Razer энг антиқа симсиз қулоқчинни чиқарди – битта смартфон нархида!
Ҳозирги замонда кўпчилик учун энг керакли аксессуарлардан бири – қулоқчин бўлиб, унинг симли, симсиз (фақат икки палласи ўзаро туташган) ва буткул симсиз турлари бор. Ўйинбоп қурилмалар ишлаб чиқаришга ихтисослашган Razer компанияси тақдим этган янги наушник эса жамланмасининг ғалати кўриниши билан эътиборга лойиқ.
ЎҚИНГ: Олимлар: симсиз қулоқчинлар саратонга сабаб бўлади!
Аслини олганда, янги Razer қулоқчини функционалига кўра бошқаларидан фарқ қилмайди. Фақат унинг кейсини покемонлар ҳақидаги ўйинлар ва сериалларда танилган покебол шаклида ишлашган. Шунингдек, буткул симсиз қулоқчиннинг ўзи ҳам энг оммабоп покемон – Пикачуга ўхшаш.
Ушбу қурилма Bluetooth орқали ишлайди, батареясининг битта қуввати 3 соат ишлашга етади. Ғилофининг ўзи қулоқчинни яна 5 марта тўлиқ зарядлашга етарли қувват сақлайди.
ЎҚИНГ: 77 яшар покемон овчиси коронавирус сабабли ўзи «овланди»
Симсиз қулоқчиннинг ҳар бир палласи ичида 13 миллиметрлик драйвер мавжуд.
Razer бу қулоқчинни маҳаллий бозорга мўлжаллаб чиқарган ва 16 апрелдан сота бошлайди. Унинг нархи 849 юанга тенг – бу тахминан 120 долларга тўғри келади. Мазкур нархда тўлақонли смартфон ҳам беришади-ку, лекин қулоқчинни покемонлар ишқибозлари жон деб олишса керак.
ЎҚИНГ: 67 655 долларлик қулоқчин қимматми? 750 000 долларлиги чиқди!
