Realme'нинг янги смартфони тақдимот санаси эълон қилинди
Бир неча кунлик тизер суратлардан кейин Realme расман ўзининг янги смартфонлари – Realme 10 сериясини 9 ноябр куни чиқаришини эълон қилди. Маълум бўлишича, Realme 10 смартфонлари қатори оддий ва Pro моделларни ўз ичига олади ва улар ҳам 4G, ҳам 5G қўллаб-қувватланиши билан чиқарилади.
Таҳминларга кўра, Realme 10 4G модели 90 герц янгиланиш тезлигига эга 6.5 дюймли FHD+ AMOLED дисплейга ва 50 МП асосий камерага эга бўлади ва Helio G99 чипсетида 4/8 ГБ RAM ва 128/256 ГБ хотира билан Android 12'га асосланган Realme UI 3'да ишлайди.
Realme 10 Pro моделлари эса MediaTek'нинг 200МП камерани қўллаб-қувватлайдиган Dimensity 1080 чипига эга бўлиши, 6.7 дюймли дисплей ва 5,000 мА/с батарея билан жиҳозланиши кутилмоқда. Қолаверса, Pro модел Galaxy S22 Ultra'дан ҳам ингичка, 2.3 миллиметрли пастки "жағ"га эга бўлиши миш-миш қилинмоқда.