Realme 200МП камерали смартфон чиқаради(ми?)

Realme 200МП камерали смартфон чиқаради(ми?)

Бир неча кун олдин MediaTek ўзининг Dimensity 1080 чипини тақдим қилди ва компания у билан жиҳозланган смартфонлар жорий йилнинг тўртинчи чорагида чиқарилиши маълум қилган эди. Эндиликда Realme компаниясининг янги смартфони айнан ушбу чипсет билан чиқарилиши расман тасдиқланди.

Realme компаниясининг вице-президенти Мадхав Шет ўзининг Twitter саҳифасида навбатдаги Realme смартфони Dimensity 1080 билан жиҳозланиши ва у шу йили чиқарилишини маълум қилди. Ҳозирча шундан бошқа маълумотлар ошкор қилинмаган, лекин биз тез орада янги смартфон ҳақида миш-мишларни эшитишимиз ёки тизер суратларни кўришимиз мумкин.

Таъкидлаш жоизки, Dimensity 1080 чипсети 200 мегапикселли камерани ҳам қўллаб-қувватлай олади.

ЎҚИНГ: MediaTek Dimensity 1080 ҳақида барча маълумотлар

Сайт янгиликларидан доимий хабардор бўлиш учун Телеграм каналимизга қўшилинг!