Realme 3 Pro намойиш қилинди: Redmi Note 7 Pro’нинг жиддий рақиби!
Oppo компаниясининг суббренди – Realme ўз рақибининг Redmi Note 7 Pro моделига рақобатчи тайёрлагани ҳақида хабар бергандик. Бугун Ҳиндистонда шу смартфоннинг тақдимоти бўлиб ўтди.
ЎҚИНГ: Redmi Note 7 Pro’нинг яна бир рақиби – Realme 3 Pro тақдимоти ҳам эълон қилинди (+«жонли» расм)
Realme 3 Pro смартфонининг диагоналига 6,3 дюймлик ва IPS матрицали экрани Full HD+ форматига эга. Дисплейнинг томчисимон «ўйиғи»даги 25 мегапикселлик селфи-камера эса «сунъий идрок» функциялари билан бойитилган.
Ушбу қурилма қўшалоқ (16 МП + 5 МПлик) бош камераси билан ҳам мақтана олади. Унинг асосий модули эса OnePlus 6 ҳамда OnePlus 6T флагманларида ҳам қўлланган Sony IMX519 сенсоридир.
ЎҚИНГ: Redmi 7’дан аввал унинг «кушанда»си – арзон, аммо «бели бақувват» Realme 3 тақдим этилди!
Realme 3 Pro самарадорлиги учун Snapdragon 710 процессори танланган, унга 4 ёки 6 гигабайтлик тезкор хотира елкадошлик қилади. Шунингдек, Oppo ушбу смартфонида графикани тезлаштирувчи HyperBoost 2.0 тизимини ҳам қўллаган. Смартфон ички хотираси ҳажмига кўра икки хил – 64 ва 128 гигабайтлик талқинларда тақдим этилади. Шунингдек, иккита SIM-карта слотидан алоҳида microSD-карта уячаси ҳам мавжуд.
Девайснинг аккумулятори ҳам бақувват – 4045 мА/соатлик бўлиб, USB-C порти орқали 20 ваттлик VOOC Charger 3.0 технологиясига кўра тезкор қувватлана олади. Realme 3 Pro энг сўнгги – Android 9 Pie операцион тизим талқини бошқаруви остида, Oppo компаниясининг ColorOS 6.0 интерфейси билан ишлайди. Gorilla Glass 5 ҳимоя шишаси билан қопланган корпуснинг орқа қопқоғида бармоқ изи сканери ҳам бор.
Ушбу смартфон савдоси 29 апрелда бошланади ва у фақатгина Ҳиндистонда сотилади. Oppo унинг учун 200 АҚШ долларидан бошланувчи нархлар белгилаган. Айрим русумлардаги Xiaomi телефонларини эса 590 000 сўмдан бошланувчи нархларда Terashop.uz интернет-дўконимиздан сотиб олиш мумкин.
