Realme 5s тақдим қилинди

Асосий камераси 48 мегапиксел бўлган тўрт камерали Realme 5s смартфони (12МП асосий камерага эга) Realme 5'нинг янгиланган талқини ҳисобланади.

Янги қурилманинг 48 мегапикселли Samsung GM1 камерасидан ташқари бошқа камералари Realme 5'ники билан бир хил: 8МП 119° ультра кенг бурчакли, 2МП макро ва 2МП сатҳ камераси.Бундан ташқари, смартфон корпуси ранглари қаторига янги — кристал қизил ранги ҳам қўшилган бўлиб, бу қирмизи ва кўк ранглар қўшилмаси ҳисобланади. Хотира сиғими эса икки талқинда: 4/64ГБ ва 4/128ГБ бўлади.

Realme 5s'нинг бошқа жиҳатлари ўзгармаган. 6.5 дюймли 720p+ дисплей, Snapdragon 665 чипи ва 5 000 мА/соатли аккумулятор шулар жумласидан.Янги девайснинг илк савдолари 29 ноябрь куни Flipkart ва realme.com сайтларида бошланади. Компания маҳсулотини 139 (4/64ГБ) ва 153 (4/128ГБ) АҚШ долларига баҳоламоқда. Албатта, маълум муддатдан сўнг, смартфон жойлардаги дўконларга ҳам етиб боради, лекин бу қачон амалга ошиши ҳозирча номаълум.

ЎҚИНГ: «Xiaomi, четроқ тур!» – 367 долларлик Realme X2 Pro флагмани тақдим этилди!