realme 8s 5G'нинг техник жиҳатлари ҳамда қадоқ таркиби билан танишамиз

Hasanboy
492
23.10.2021 10:05

realme ўзининг 8-сериясини кенгайтириб бормоқда. Бу гал компания realme 8s 5G смартфонини тақдим этди.

ЎҚИНГ: realme 8i'нинг техник жиҳатлари ҳамда қадоқ таркиби билан танишамиз

Сериядаги энг кучли смартфон бу - Super AMOLED дисплейи ҳамда яхши даражадаги камераларга эга бўлган realme 8 Pro қурилмаси ҳисобланади.

Кейинчалик тақдим этилган realme 8i эса нисбатан арзонроқ смартфон бўлиб, унда 120Hz IPS LCD дисплейи бор. Ушбу смартфон 5G тармоғини қўллаб-қувватламас эди. Бу муаммони ҳал этиш мақсадида компания realme 8 5G смартфонини сотувга чиқарди.

Смартфонга 5G тармоғини қўшилиши унинг нархини ўзгартирмади, бироқ унинг аппарат таъминотида пасайиш бўлди. Янги 8s 5G смартфонининг нархи аввалги realme 8 5G билан деярли бир хил, лекин у нисбатан кучлироқ техник жиҳатларга эга.

realme 8s 5G'нинг техник жиҳатлари:

> Корпус: 162.5х74.8х8.8мм, 191г; олд панель шиша, орқа панель пластик, пластик ром.

> Дисплей: 6.50 дюймли IPS LCD, 90Hz экран янгиланиш частотаси, 600 нит ёрқинлик, 1080х2400 пиксел резолюция, 20:9 форма фактори, 405ппи зичлик.

> Чипсет: MediaTek Dimensity 810 5G (6 нм): Саккиз ядроли (2x2.4 GHz Cortex-A76 & 6x2.0 GHz Cortex-A55); Mali-G57 MC2.

> Хотира: 6/128ГБ, 8/128ГБ; UFS 2.1, microSDXC.

> ОТ/Дастурий таъминот: Android 11, realme UI 2.0.

> Камера: Асосий камера: 64МП f/1.8, 26мм, PDAF; Макро: 2МП, f/2.4; Сатҳ камера: 2МП, f/2.4.

> Селфи камера: 16МП f/2.1, 26мм (кенг), 1/3.0“, 1.0µm.

> Видео ёзув: Асосий камера: [email protected] кадр/сек, gyro-EIS; Селфи камера: [email protected] кадр/сек, gyro-EIS.

> Аккумулятор: 5,000 мАс; 33 ватт қувватлаш технологияси.

> Бошқа: Бармоқ изи сканери (ён томонда), 3.5мм аудио жек.

realme 8 ёки 8 Pro сингари қурилмага AMOLED дисплейи ўрнатилмаган, бироқ realme 8 5G билан таққослаганда, 8s'да ёрқинроқ 90Hz частотада ишловчи дисплей мавжуд. Шунингдек, realme 8 5G смартфони Dimensity 700 чипи билан жиҳозланган эди. Янги 8s 5G эса нисбатан кучлироқ Dimensity 810 чипига эга бўлди.

Ўз навбатида, қурилманинг камераси ҳам такомиллаштирилди. Мисол учун, юқори резолюциядаги 64МП камера gyro-EIS функциясини қўллаб-қувватлайди. Базавий хотира сиғим 128ГБ га оширилди. Бундан ташқари, 5,000 мАс сиғимли аккумуляторни эди 33 ваттда қувватлаш мумкин.

Албатта, realme 8 5G билан 8s 5G'ни таққосласак, янги смартфон бироз такомиллашганини кўриш мумкин.

Қадоқ таркиби

Одатдагидек, смартфон realme анъаналари содиқ қолган ҳолда сариқ қутида сотилади.