realme 9i'нинг техник жиҳатлари маълум бўлди
Янги realme 9 серияси 2022 йилнинг январь ойида тақдим этилиши кутилмоқда. Серия камида тўртта смартфондан ташкил топади.
Ҳозирча линейкадаги смартфонлар орасида realme 9i'нинг техник жиҳатлари The pixel.vn томонидан сиздирилди. Ишончли инсайдер Chun эса сиздирилган маълумотларни ўз Twitter саҳифасида тоғри эканлигини тасдиқлади.
Қурилма 90Hz частотада ишловчи FHD+ резолюциядаги LCD дисплейи билан жиҳозланади. Бундан ташқари, смартфонга 6 нанометрлик жараён асосида яратилган Snapdragon 680 чипи ўрнатилади. Ушбу чип Kyro 265 ядролари, Adreno 619 график процессори ва 4G LTE модемига эга.
Инсайдер, шунингдек, смартфоннинг орқа панелида учта камера бўлиши ҳақида маълумот берган. Асосий камера резолюцияси 50 мегапикселни ташкил қилади. Селфи камера эса дисплей юқори қисмининг чап томонидан ўрин олади.
Серияда яна realme 9, realme 9 Pro ҳамда realme 9 Pro+ смартфонлари ҳам бўлади. Ушбу смартфонларга оид маълумотлар яқин кунлар ичида эълон қилинади.
ЎҚИНГ: Huawei Mate V букламафонининг рендерлари эълон қилинди
