Realme авжига чиқяпти: бирданига саккизта янги гаджет!
Куни кечагина Realme Ҳиндистонда Narzo янги туркумининг илк вакиллари – Narzo 10 ҳамда Narzo 10A смартфонларини намойиш қилган эди. Oppo корпорацияга қарашли мазкур компания дарров навбатдаги йирик тақдимотига таклиф этяпти!
Расмий постерига қараганда, 25 май куни Realme онлайн анжуман ўтказиб, бирданига саккизта янги девайсини намойиш этмоқчи!
Юқоридаги суратда смартфон, портатив аккумулятор – повербанк ҳамда симсиз қулоқчин тасвирланган. Қолган бешта янги маҳсулотнинг айнан қайси турга мансуб экани ҳозирча номаълум.
ЎҚИНГ: Бир йилда 500 фоизга ўсган рекордчи бренд биринчи бўлиб 4G-смартфонлардан воз кечади!
Яна битта постер эса Realme ушбу янги смартфонини Blade Runner («Тиғ узра югурувчи») кодли номи остида тайёрлаётганини кўрсатяпти:
Айтиш керакки, Realme икки йил ичида энг тез ўсаётган смартфон брендига айланиб улгурди, ҳали бошқа бирорта смартфонсоз бунақ ўсишга эришган эмас. Турли телефонлардан ташқари, у Realme Band смарт-браслети, Realme TV ва яна Xiaomi’нинг уч хил гаджети «кушанда»ларини ва бошқа ҳар хил қурилмаларни тайёрлаб, баъзиларини намойиш этиб улгурган.
ЎҚИНГ: «Четроқ тур, Xiaomi!» – Realme яна бир турдаги илк девайсини тақдим этяпти