realme GT2 Explorer Master модели тақдим этилди
realme компанияси Snapdragon 8+ Gen1 чипига эга бўлгани ўзининг биринчи смартфонини тақдим этди. realme GT2 Explorer Master флагмани таниқли мода дизайнери Жаэ Жунг билан ҳамкорликда ишлаб чиқарилган.
Смартфон FHD+ резолюциясидаги 6.7 дюймли AMOLED дисплейи билан жиҳозланган бўлиб, у 120 гертс экран янгиланиш частотаси ҳамда 360 гертс сенсорли намуна олиш частотасини қўллаб-қувватлайди.
Компания экраннинг унумдорлиги ва қувват сарфини оптималлаштирадиган махсус X7 дисплей драйвер чипини ишлаб чиқди. Экраннинг ён ва юқори рамкалрининг қалинлиги 1.48 миллиметр, пастки рамканики эса 2.37 миллиметрни ташкил қилади.
Орқа панелдан Sony IMX766 чипига эга бўлган 50МП асосий камера, 50МП ультракенг камера ва 2МП макро камера ўрин олган. Олд панелда эса 16МП селфи камера жойлашган.
Snapdragon 8+ Gen1 чипи Adreno 730 график процессорига эга бўлиб, realme X7 чипи билан биргаликда у янгиланиш ва сенсорли намуна олиш частоталарини яхши ишлашини кафолатлайди. Назарий жиҳатдан X7 чипи кадр тезлигини ўйин вақтида 30fps дан 120fps га, қолган вақтларда эса 60fps дан 120fps га ошириб беради.
Қурилманинг ромлари металдан ишланган, орқа панель эса эко чарм билан қопланган. Қурилма оқ ва қора рангларда бўлади. Механик тугмалар ўрнига смартфонга босимга сезгир бўлган тугмалар ўрнатилинган.
Қурилмага ўрнатилган 5,000 мАс сиғимли аккумулятор 100 ваттда қувват олади. Тўлиқ қувватланиш учун смартфон атиги 25 дақиқа вақт сарфлайди.
GT2 Explorer Master модели Android 12 операцион тизимига асосланган realme UI 3.0 график қобиғида ишлайди. Смартфондаги метал ром 5G тармоғи учун антенна вазифасини бажариб беради. Қурилмага экраности оптик бармоқ изи сканери ўрнатилган.
Смартфон фақат Хитой бозори учун ишлаб чиқарилади. Унинг нархи тахминан қуйидагича:
8/128ГБ - 520 доллар
8/256ГБ - 565 доллар
12/256ГБ - 595 доллар
Қурилмага олдиндан буюртма бериш мумкин. 19 июль санасида етказиб бериш бошланади.
