realme GT2'нинг техник жиҳатлари ва қадоқ таркиби билан танишамиз

realme GT2'нинг техник жиҳатлари ва қадоқ таркиби билан танишамиз

Ўтган йилги realme GT 5G моделининг Pro версияси бўлмаган. GT 5G'нинг ўзи барча юқори техник кўрсаткичларга эга бўлган. Бу йил эса Pro модель барча премиум жиҳатларни ўзида мужассамлаштира олган. Оддий GT2 модели эса Pro модель каби бўлмаса-да, яхши техник кўрсаткичларга эга. 

Фото: GSMArena

Оддий модель айрим техник жиҳатлар бўйича Pro модель билан ўхшаш. Албатта у Pro модель каби LTPO2 дисплей ҳамда Snapdragon 8 Gen1 чипи билан жиҳозланмаган. Snapdragon 8 Gen1 ўрнини эскироқ Snapdragon 888 чипи эгаллаган бўлиб, у ҳам смартфон учун юқори унумдорликни тақдим этади. 

realme GT2'га ўрнатилган ультракенг ва макро камераларнинг сифати унча яхши эмас, бироқ қурилмага асосий камера сифатида Sony компаниясининг IMX766 50МП сенсори ўрнатилган. Ушбу сенсор ажойиб суратларни олишга қодир. Селфи камера резолюцияси 16 мегапикселни ташкил қиласа-да, бу унинг сифати ёмон эканлигини кўрсатмайди. 

realme GT2'нинг техник жиҳатлари: 

> Корпус: 162.9х75.8х8.6мм, 195г; олд панель шиш (Gorilla Glass 5), орқа панель шиша ёки полимер, пластик ром. 

> Дисплей: 6.62“ AMOLED, 120Hz, HDR10+, 1300 нит ёрқинлик 1080х2400 пиксел резолюция, 20:9 форма фактор, 398ppi зичлик. 

> Чипсет: Qualcomm SM8350 Snapdragon 888 5G (5 nm): Саккиз ядроли (1x2.84 GHz Kryo 680 & 3x2.42 GHz Kryo 680 & 4x1.80 GHz Kryo 680; Adreno 660.

> Хотира: 8/128ГБ, 8/256ГБ, 12/256ГБ, UFS 3.1.

> ОТ/Дастурий таъминот: Android 12, realme UI 3.0. 

> Камера: Асосий камера: 50МП, f/1.8, 24мм, 1/1.56“, 1.0µm, кўп йўналишли PDAF, OIS; Ультракенг камера: 8МП, f/2.2, 119˚; Макро камера: 2МП, f/2.4. 

> Селфи камера: 16МП, f/2.5, 26мм (кенг), 1/3“, 1.0µm. 

> Видео ёзув: Асосий камера: 1080p@30 кадр/сек, gyro-EIS; Селфи камера: 1080p@30 кадр/сек. 

> Аккумулятор: 5,000 мАс; 65 ватт тезкор қувватлаш технологияси, 100% - 33 дақиқа (рекламага кўра). 

> Бошқа: Бармоқ изи сканери (экран остида, оптик); NFC. 

Дизайн, хотира, аккумулятор сиғими қувватлаш технологияси бўйича GT модель Pro моделдан фарқ қилмайди. Шундай экан, кўпчилик Pro модель каби оддий моделда ҳам LTPO2 панели бўлишини кутган эди. Бироқ смартфон 120 гертс частота ва 1300 нит ёрқинликка эга оддий AMOLED дисплейи билан жиҳозланган. 

Фото: GSMArena

Айрим техник кўрсаткичларни ҳисобга олмасак, GT2 ва GT2 Pro моделлари бир-бирига ўхшайди. Бироқ уларнинг нархлари орасида катта тафовут мавжуд. GT2 моделининг нархи Европада 550 еврони ташкил қилади. 

Қадоқ таркиби 

Қутидан смартфон билан бирга 65 ватт қувватлаш адаптери, USB-C кабели ва силикон ғилоф ўрин олган. 

Фото: GSMArena

ЎҚИНГ: Poco X4 Pro 5G'нинг техник жиҳатлари ва қадоқ таркиби билан танишамиз 

Хабарларни тез ва осон ўқиш учун Андроид иловамизни сақлаб олинг.