Realme'нинг Coca-Cola смартфони қўлга чиқиб кетди (видео)
Аввалроқ Хитойнинг таниқли смартфон ишлаб чиқарувчиси, Realme, ҳамда, дунёга машҳур газли ичимлик бренди, Coca-Cola, ўзларининг ҳамкорликдаги телефонларини 10 феврал куни расман тақдим қилишлари хабар берган эдик. Бироқ, тақдимотни кутишга ҳожат йўқ шекилли, Интернетда аллақачон Coca-Cola логотипи туширилган Realme 10 Pro 5G смартфони видеоси тарқалди.
Улашилган видео тасвирда сиз Realme ўтган йилнинг декабр ойида тақдим қилган Realme 10 Pro 5G смартфонининг Coca-Cola дизайнидаги версиясини кўришингиз мумкин.
Видео бизга смартфон олд томони дизайни ва смартфоннинг ички интерфейси билан ҳам танишиш имкони беради. Кўриб турганингиздек, смартфон олд томонинг юқори марказида юмалоқ тирқишли селфи камера жойлашган. Ички интерфейсга қарайдиган бўлсак, орқа фон суратидан тортиб иловалар иконкаларигача қизил рангли "Coca-Cola" стили қўлланилган.
Смартфон орқа томони дизайни билан олдинги хабаримизда танишган эдик. Бу сафар Realme ўзи улашган смартфон дизайни эскизига асосланган ҳолда шуни қўшимча қилишимиз мумкинки, орқа томоннинг камера оролидан "realme" брендигача бўлган торроқ қисми жилосиз қора рангга бўялган. Шунингдек, орқадан чап, олдидан эса ўнг ён томоннинг пастроғида Coca-Cola логотипи ўйиб туширилган.
Техник хусусиятларга келадиган бўлсак, Realme 10 Pro 5G смартфони, 120 герц янгиланиш тезлигига эга IPS LCD дисплей, 108 МП асосий, 2МП портрет, 16 МП селфи камера, Snapdragon 695 чипсети, ҳамда, 6/8 ГБ оператив ва 128 ГБ доимий хотира билан 33 Вт тезликда зарядланадиган 5,000 мА/соат батареяда Android 13'га асосланган Realme UI 4.0 операцион тизимида ишлар эди ва унинг Coca-Cola варианти ҳам худди шундай хусусиятлар билан чиқарилиши кутилмоқда.
ЎҚИНГ: Samsung Galaxy А14 5Г, шарҳ
