Realme'нинг янги тизер видеоси Coca-Cola билан ҳамкорликка ишора қилади

Realme'нинг янги тизер видеоси Coca-Cola билан ҳамкорликка ишора қилади

Яқинда Twitter ижтимоий тармоғида пайдо бўлган Coca-Cola смартфони рендери технология ишқибозлари ўртасида кенг муҳокамаларга сабаб бўлди. Шуни айтиш керакки, деярли бутун дунёга танилган газли ичимлик қанчалик мазали бўлмасин, унинг компанияси смартфон ишлаб чиқаришга мутлақо бегона. Бу борада эса унга realme ёрдамга келиши мумкин.

realme компаниясининг Ҳиндистондаги бўлими ўзининг расмий Twitter саҳифасига янги тизер постни жойлади. "realme'да нимадир вишиламоқда" дейилади унда. Шунингдек, улашилган қисқа видеода газли ичимлик фонида смартфон шаклидаги нарса чиқишини кўришингиз мумкин. Қолаверса, realme компанияси раҳбари Мадхав Шет ҳам ўзининг Twitter саҳифасида realme 10 смартфонининг шиша ойнасида Coca-Cola акси кўринган суратни жойлади.

Аввал тарқатилган Cola смартфони ҳам realme компаниясининг realme 10 смартфони билан деярли бир хил эканлиги билан ушбу постларни бирлаштирган ҳолда шуни аниқ айтиш мумкинки, realme компанияси Coca-Cola бренди билан ҳамкорликда ўзининг янги смартфонини чиқаришга тайёрланмоқда.

Тизер сурат realmeънинг Ҳиндистондаги бўлими томонидан жойланганлигидан Cola смартфони шу мамлакатда тақдим қилинишини билиб олиш мумкин. Тизер пост тарқатиш бошланган экан смартфон тез кунларда чиқарилиши аниқ.

ЎҚИНГ: Ўзбекистонда қайси realme смартфонларини сотиб олиш мумкин?

Сайт янгиликларидан доимий хабардор бўлиш учун Телеграм каналимизга қўшилинг!