Redmi 7 эмас, балки европача Redmi Note 7 намойиш қилинди: камераси 48 МПлик, лекин нархи...

  •   DiMaX
  •  8926
  •  07.03.2019 11:56

Redmi 7 эмас, балки европача Redmi Note 7 намойиш қилинди: камераси 48 МПлик, лекин нархи...

Xiaomi компанияси 6 март куни Испанияда ўзининг янги брендига мансуб навбатдаги смартфонини тақдим этишини эълон қилганида, кўпчилик унинг Redmi 7 бўлишини кутганди. Аммо баннерга #48MpforEveryone ҳэштеги илова қилинганлиги боис, Redmi Note 7’нинг глобал версияда намойиш этилишини ҳам тахмин қилишганди.

ЎҚИНГ: Redmi Note 7 чиндан ҳам «ёнғоқчақар»ми? JerryRigEverything «жонли» видеотестини томоша қиламиз!

Шу вариантлардан иккинчиси тўғри бўлиб чиқди – Мадрид шаҳрида «хитойча Apple» кеча чиндан ҳам Redmi Note 7 смартфонини тақдим этди. Қизиғи шундаки, ушбу моделнинг равишда, Ҳиндистонда намойиш қилинган ва глобал талқин деб аталган версияси хитойча версиясидан фарқ қилади. Яъни, унинг бош камераси 48 эмас, балки 12 мегапикселлик асосий модулга эга.

Европа бозорига мўлжалланган – Испанияда расмий тақдимоти ўтказилган Redmi Note 7 эса хитойча версиядаги каби 48+5 мегапикселлик бош камерага эга. Шунингдек, бу смартфонда томчисимон «ўйиқ»ли 6,3 дюймлик экран, Snapdragon 660 чипи, Quick Charge 4 технологияси бўйича тезкор қувватланувчи 4000 мА/соатлик аккумулятор ҳам сақланиб қолган.

ЎҚИНГ: Redmi 7’ни тақдимотидан аввал Redmi Note 7 билан «жонли» видеода таққослаб кўрсатишди!

Бироқ европаликлар нарх масаласида хитойлик ва ҳиндистонликларга ҳавас қилсалар бўлади. Зеро, Redmi Note 7 модели учун Испанияда 149 евро эвазига олдиндан буюртма бериш мумкин. Очиқ савдода эса унинг 3/32 ГБ хотирали вариантини 14 мартдан, 179 доллар эвазига сотиб олиш имкони бўлади. Қиёслаш учун келтириб ўтсак: бу смартфон нархи Хитойда 147 доллардан, Ҳиндистонда эса 141 доллардан бошланади.

Эслатиб ўтамиз, хитойча Redmi Note 7 моделини Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.

ЎҚИНГ: Mi Mix 3 ва бошқа Xiaomi смартфонларининг Terashop.uz’даги нархлари (2019 йил 25 февраль) – акцияси ҳам бор!