Redmi K20 Pro аллақачон Honor Play 8A ҳамда iPhone XR’лардан ўзиб, рекорд қўйди!

  •   DiMaX
  •  2713
  •  03.06.2019 10:46

Redmi K20 Pro аллақачон Honor Play 8A ҳамда iPhone XR’лардан ўзиб, рекорд қўйди!

Хитойнинг оммабоп Jingdong онлайн дўкони ҳар йили 1 июнь куни анъанавий тарзда арзонлатиб сотиш акциясини ўтказади. 28 майда намойиш қилинган Redmi K20 Pro смартфонининг савдоси айни шу куни бошлангани Xiaomi’га жуда қўл келди.

ЎҚИНГ: Redmi K20 Pro: «катта иблис» Geekbench’да ҳам ўз кучини кўрсатди!

Аввалроқ маълум қилинишича, Redmi K20 Pro флагманининг 200 минг донадан иборат илк партияси бир соату 45 дақиқада сотиб тугатилган эди. Xiaomi президенти Лин Бин (Lin Bin) эълон қилган скриншотга кўра, 1 июнь куни Jingdong дўконида энг кўп сотилган смартфон ҳам айнан Redmi K20 Pro модели бўлган.

Ундан кейинги ўринларни эса Honor Play 8A ҳамда iPhone XR (сотиб олиш) қурилмалари эгаллаган. Тўғри, 2 июнда кунлик сотувлар сони бўйича iPhone XR биринчи ўринга чиқиб олган, аммо икки кунлик кўрсаткичларга асосан ҳам барибир Redmi K20 Pro рекордчи бўлиб турибди.

Эслатиб ўтамиз, Redmi K20 Pro моделининг 6/64 ГБ тезкор хотирали варианти 362 доллар, 8/256 ГБлиги эса 434 доллардан сотилмоқда. Redmi’нинг «Killer» смартфонлари глобал бозорга бошқа ном билан чиқиши ҳақида хабар берганмиз, ўзи ва қадоғи акс этган «жонли» суратларни эълон қилганмиз. Аллақачон сотувга чиққан айрим русумлардаги Xiaomi телефонларини эса 590 000 сўмдан бошланувчи нархларда Terashop.uz интернет-дўконимиздан харид қилиш мумкин.

ЎҚИНГ: Xiaomi арзон Redmi 7A смартфонини расман намойиш этди

Сайт янгиликларидан доимий хабардор бўлиш учун Телеграм каналимизга қўшилинг!