Redmi K20 Pro: «катта иблис» Geekbench’да ҳам ўз кучини кўрсатди!
Xiaomi компанияси кеча Redmi брендининг флагманлари – Redmi K20 ҳамда Redmi K20 Pro смартфонларини намойиш қилди. Булардан иккинчиси AnTuTu бенчмаркида салкам 390 000 балл олган – бу эса Xiaomi Mi 9 (сотиб олиш) флагманидан ҳам юқори кўрсаткич!
ЎҚИНГ: Ниҳоят, Redmi K20 ва K20 Pro тақдим этилди: нарх ва жиҳатлари
Redmi K20 Pro флагманини кечанинг ўзида яна бир машҳур бенчмарк – Geekbench сервисида ҳам текшириб кўришган. Qualcomm Snapdragon 855 базасига қурилган бу девайс якка ядроли имтиҳонда 3039 балл, барча ядролар иштирокидаги синовда эса 10787 балл олган:
Geekbench’да имтиҳон топширган флагман 8 гигабайтлик тезкор хотирага ҳамда MIUI график қобиғи остидаги Android 9.0 Pie операцион тизимига эга. Хитойнинг ўзида Redmi K20 Pro моделини 1 июнданоқ харид қилиш мумкин бўлади. Redmi K20 эса 6 июнда, ушбу бренднинг еттинчи авлод смартфонлари орасида энг арзони бўлган – атиги 80 долларлик Redmi 7A билан баравар бозорга чиқади.
ЎҚИНГ: Redmi K20 ҳамда Redmi K20 Pro смартфонлари глобал бозорга бошқа номлар билан чиқади (+суратлар)
Эслатиб ўтамиз, айрим русумлардаги Xiaomi телефонларини 590 000 сўмдан бошланувчи нархларда Terashop.uz интернет-дўконимиздан харид қилиш мумкин. Шу ёки бошқа ишлаб чиқарувчининг смартфонини ишлатаётганингиздан қатъи назар, биз сизга омадингизни синаб кўришни таклиф қиламиз! Айни дамда 2 июнга қадар сизда ушбу компаниянинг ажойиб фитнес-браслети – Mi Band 3 ютиб олиш имконияти мавжуд.
Бунинг учун YouTube-каналимизга аъзо бўлиб, ушбу видео остига изоҳ ёзиб, «Ёқди» тугмачасига боссангиз кифоя. Ғолиб эса сайтимизнинг Facebook-саҳифаси орқали жонли эфирда аниқланади ва ушбу омадли инсонга совға ўзи яшаб турган вилоят марказигача бепул етказиб берилади!
Бу ҳақдаги батафсил маълумотни мана бу ерда олишингиз мумкин. Интернет-дўконимизда эса шу кунларда «Айём» акцияси доирасида мазкур компаниянинг айрим смартфонларига чегирмалар эълон қилинган.
ЎҚИНГ: Terashop.uz’да барча Xiaomi смартфонлари арзонлашди – нархлари билан танишинг! (2019 йил 23 май)
