Redmi K20 Pro Premium ҳам «дамини олаверсин»: SD855+ чипли энг арзон флагман рекордларга бой! (+видео)
Xiaomi корпорациясининг арзончи бренди 19 сентябрь куни Redmi K20 Pro Premium русумли смартфонини намойиш этган эди. У амалдаги энг илғор Snapdragon 855 Plus процессори базасидаги энг арзон флагман бўлиб, аллақачон AnTuTu’да кучини кўрсатишга ҳам улгурган.
ЎҚИНГ: AnTuTu’нинг янги қироли: «шаршара экранли» илк смартфон салкам 500 минг балл олди! (+нархлари)
Аммо Redmi брендининг жиддий рақиби чиққанидан хабарингиз бор ва бу – Oppo компаниясининг Realme суббрендидир. Мазкур компания эртага – 4 октябрь куни Realme X2 Pro русумли флагманини Испанияда намойиш этмоқчи. Мазкур қурилма Snapdragon 855 Plus чипсетига эга энг арзон смартфон бўлишини ишлаб чиқарувчи расман айтган.
Шу кунгача чиққан маълумотларга қараганда, Realme X2 Pro арзон ва кучли бўлишидан ташқари, яна бир қатор хусусиятларига кўра тенгсиз бўляпти. Аввало, унинг диагоналига 6,55 дюймлик Full HD+ дисплейи 90 герцлик янгиланиш частотасига эга.
ЎҚИНГ: Realme X2 Pro ҳақида янги маълумот эълон қилинди
Энди расмий реклама тасвирлари ушбу смартфоннинг бошқа жиҳатларини ҳам ошкор этмоқда. Жумладан, бош камера нақ тўртта датчикни ўз ичига олади ва бу нарх доирасидаги қурилмалар орасида мисли кўрилмаган даражада – нақ 20 карралик гибрид зумга эга.
Унинг асосий датчиги 64 мегапикселлик, иккинчиси – кўриш қамрови 115 даражалик кенг бурчакли камера, учинчиси – телеобъективли ва тўртинчиси – портрет суратларга мўлжалланган камера.
Навбатдаги рекорд: мазкур модел аккумулятори 65 ваттлик Super VOOC тезкор қувватлаш технологиясига эга. Агарда шундай қувватдаги зарядчик смартфоннинг қадоғидаги жамланма таркибига киритилса, Realme X2 Pro энг оптимал телефон бўлиб чиқади!
ЎҚИНГ: Жойни бўшат, Xiaomi! Бозорга янги қирол келяпти!
Мана, қуйида компания Realme X2 Pro моделига бағишлаб тайёрлаган расмий видеони кўрамиз:
The most advanced screen on the market is on our best smartphone.
— realme Europe (@realmeeurope) October 2, 2019
Take a look at our realme X2 Pro. Our 90Hz screen will make you not want to look at any other screen. https://t.co/QMXqilKky0#FullSpeedFlagship #realmeX2Pro pic.twitter.com/0kgR0vunZZ
Realme X2 Pro бир вақтнинг ўзида Осиё ва Европада тақдим этилиши ва сотувга чиқарилиши маълум, аммо нархини компания аниқ айтмаган. Мазкур бренднинг асосий рақиби – Xiaomi телефонларини эса Terashop.uz интернет дўконимиздан 610 000 сўмдан бошланган нархларда сотиб олиш мумкин.
