Сиз қизиққан смартфонга MIUI 11 келди
Бир неча ой илгари Xiaomi'нинг MIUI 10 интерфейсида ишловчи Redmi K20 смартфони тақдим қилинган эди. Энди эса қурилма MIUI 11'нинг барқарор глобал прошивкасига ўтди. MIUI 11'да фойдаланувчи интерфейсининг қатор жиҳатлари янгиланган, лекин бу прошивка барибир Android 9 асосида ишлайди.
Янгиланиш ҳажми 766МБ бўлиб, девайснинг хавфсизлик даражасини сентябрь ойигача кўтаради. UI бир қадар соддалаштирилган ва Доим ёниқ экран функцияси такомиллаштирилган.
Янги интерфейс сизнинг смартфонингизга келишигача яна бир неча кун кутишингизга тўғри келиши мумкин. Бундан ташқари, тизим янгиланиши қурилманинг глобал талқини бўлган Mi 9T'га ҳам яқин кунларда келиши керак.
Redmi K20'га келган MIUI 11 билан қуйидаги ўзгаришлар бўлади:
Тўла экранли қурилмалар учун оптималлаштирилган дизайн
•Ортиқча визуал элементлардан воз кечиш, сенсор бошқарувини яхшилаш ва ранглар қўлланилишини ўзгартириш билан фойдаланувчи ва контент орасида ҳеч қандай тўсиқ бўлмаган тизим яратишга эришдик.
Доим ёниқ экран
•Эндиликда доим ёниқ экран функциясида нафис динамик мавзулар мавжуд. Муҳим маълумотлар экранингизда 24/7 кўриниб туради.
•Қурилмангизни уникал имзо билан ўзингизга мослаштиринг.
•Махсус эффектлар билан экраннинг жонли бўлишига эришинг.
Табиат товушлари
•Будильникнинг янгича рингтонлари билан табиатнинг майин товушига уйғонинг.
•Билдиришномалар товушлари сизни чарчатмайди. Эндиликда улар ўзгариб туради, худди табиат товушлари каби.
Mi Share
•Файлларни қурилмадан-қурилмага ўта катта тезликда ўтказинг.
Ҳужжатлар
•Ҳужжатларингиз юзини уларни очишдан олдин кўринг.
•Бутунлай янгича Mi Doc Viewer билан самарадорликка эришинг.
Чоп этиш
•Фото ва файлларни қўшимча иловаларни юкламасдан телефонингиз орқали тўғридан-тўғри чоп этинг.
Қўшимча функциялар
•Вазифалар. Вазифаларингизни Қайдлар иловасидан таҳрирланг ва бошқаринг.
•Вақтли билдиришномалар қабул қилинг ва бажарилган вазифаларни белгилаб қўйинг.
•Тезкор жавоблар. Қайси иловада бўлсангиз ҳам, хабарларга жавоб қайтаринг.
•Game Turbo. Қурилмангизни ҳақиқий ўйин консолига айлантиринг.
Тизим
•Янгилик: Экран тасвирларини таҳрирлаш, улашиш ва ўзингизга мослаштириш энди янада осон.
•Оптималлаштирилди: Ҳалал берилмасин режимидан ортиқча билдиришномаларни олиб ташладик.
•Оптималлаштирилди: Қулф экрани чўнтак режими.
•Қурилманинг хавфсизлик даражаси 2019 йил сентябрь ойигача кўтарилди. Тизим хавфсизлиги оширилди.
Қулф экрани, ҳолат панели, билдиришномалар ойнаси
•Янгилик: Доим ёниқ экранда соат форматлари кўпайтирилди.
•Янгилик: Қурилмани юз биометрик маълумотлари билан блокдан чиқариб Қулф экранда қолган бўлсангиз, Бош экранни очиш учун бармоқ изидан фойдаланинг.
•Оптималлаштирилди: экраности бармоқ изи сканерининг ишлаши.
•Тўғирланди: Қулф экранда бармоқ изи иконкаси ҳар доим ҳам кўринмас эди.
•Тўғирланди: Қулф экран очилганда ҳам баъзан бармоқ изи иконкаси ўчмас эди.
Иловалар
•Янгилик: кўпроқ тезкор тугмачаларни кўриш учун пастга свайп қилинг.
•Оптималлаштирилди: бутунлай янгича дизайн ва интерфейс.
Ўйин тезлаштиргич
•Янгилик: Давомли свайплар Game Turbo'да қўшимча меню очади.
•Янгилик: Game Turbo'га ўтиш учун Бош экранда тезкор тугмача яратиш мумкин.
•Game Turbo фаол бўлганда ауто ёруғлик, экран имо-ишоралари, Ўқиш режими автоматик равишда ўчириб қўйилиши мумкин.
•Game Turbo'да катта янгилик: аутоплей ва мобил интернет учун қайси SIM картадан фойдаланишни танлаш имкони яратилди.
ЎҚИНГ: Redmi раҳбари: «Бу смартфон бозорда «портлаш» қилади!»
