Redmi K40 ҳам аллақачон интернетда «кўрина» бошлади
Xiaomi яқинда ўзининг M2006J10C модел рақамли янги смартфонини Хитойнинг 3C регуляторида сертификациядан ўтказди. Манбаларга кўра, бу – Redmi брендига мансуб «Killer» туркумининг навбатдаги вакили – Redmi K40 бўлади.
ЎҚИНГ: Redmi K40’нинг илк сурати, хусусиятлари, нархи ва тақдимот куни!
Регуляторнинг тасдиқлашича, ушбу қурилма 33 ваттлик қувватлагич билан бирга етказиб берилади. Бундан ташқари, Redmi K40 модели энди Хитойнинг Радиоалоқани мувофиқлаштириш давлат қўмитаси (SRRC) сертификатини ҳам олди. Бу эса смартфоннинг тайёр бўлганинини англатади.
Миш-мишларга қараганда, Redmi K40 смартфони MediaTek компаниясининг флагман процессори – Dimensity 1000+ базасига қурилмоқда. Redmi K30 моделининг экрани кадр янгиланиш частотаси 120 герц бўлса, унинг давомчисида мазкур кўрсаткич 144 герцга етишини айтишмоқда.
ЎҚИНГ: Глобал прошивка, Глобал версия ва Хитой версия. Буларнинг фарқи нимада?
