Redmi K50 юқори сифатли рендерда намойиш этилди
Февраль ойида Xiaomi компанияси Redmi K50 Gaming ва Redmi K50 смартфонларини тақдим этиши кутилмоқда. Янги рендерларга кўра, Redmi K50 модели ўзгача дизайнга эга бўлиши мумкин.
Агар ушбу рендерлар тоғри бўлса ушбу смартфоннинг дизайни кўпчиликни ажаблантириши аниқ.
Олд панель одатий смартфонлар каби ишланган — ясси дисплей ҳамда унинг юқорисидан ўрин олган юмалоқ тирқишли селфи камера. Аммо текис юзали ром ва юмалоқ шаклдаги овозни бошқариш тугмалари кўпроқ iPhone 4 қурилмасини эслатиб юборади.
Орқа панелдаги камера модули ҳам ўзгача. Юмалоқ шаклдаги модулдан учта ноодатий жойлашган камера ва LED чироғи ўрин олган.
Смартфон Snapdragon 870 чипи билан жиҳозланиши тахмин қилинмоқда. Қурилманинг бошқа техник жиҳатлари ҳақида аниқ маълумотлар мавжуд эмас.
