Redmi K60 моделларининг биринчи савдоси компания учун анча муваффақиятли бўлди

Xiaomi компанияси Redmi K60 сериясини сотувга чиқарди. Компаниянинг Weibo'даги маълумотларига кўра, беш дақиқа ичида Redmi K60 моделлари 300 000 дона сотилган. Харидорларга асосан 1220p сифатидаги экран, симсиз қуввлаш имконияти, Snapdragon 8 Gen 2 чипига эга бўлган Pro модель маъқул келган. 

Redmi K60 серияси K60, K60 Pro ва K60E смартфонларидан иборат бўлиб, K60 модели Snapdragon 8+ Gen 1, K60 Pro модели Snapdragon 8 Gen 2, K60E эса Dimensity 8200 чипи билан жиҳозланган. Pro модель, шунингдек, IMX890 сенсори билан жиҳозланган 50МП асосий камера ҳамда 120 ватт тезкор қувватлаш технологиясига эга. 

Агар математик ҳисоб-китоб қиладиган бўлсак, Xiaomi ҳар бир секундда 100 дона K60 моделларидан сотган. Аммо бу ўтган йилги Redmi K50 сериясининг рекордини ўзгартира олмади. Фақат икки моделдан иборат бўлган K50 серияси ўтган йили беш дақиқа ичида 330 000 дона сотилган эди. 

ЎҚИНГ: Samsung ўзининг янги Odyssey Neo G9 мониторини тақдим қилди