Redmi Note 11 ҳамда Note 11S смартфонлари тақдим этилди

Redmi Note 11 ҳамда Note 11S смартфонлари тақдим этилди

Xiaomi кеча глобал Redmi Note 11 Pro моделлари билан бир қаторда Redmi Note 11 ва Note 11S қурилмаларини ҳам тақдим этди. Pro моделларга қараганда ушбу қурилмалар кичикроқ, енгилроқ ва арзонроқдир. 

ЎҚИНГ: Ва ниҳоят глобал Redmi Note 11 Pro смартфони тақдим этилди 

Иккила модель 6.43 дюймли AMOLED дисплейи билан жиҳозланган. Уларнинг корпуси Pro моделлардан кичикроқ ва 20 граммга енгилроқ ҳисобланади. 

Қурилмаларнинг 1080p резолюциядаги дисплейи 90Hz экран янгиланиш ва 180Hz сенсорли намуна олиш частотасини қўллаб-қувватлайди. Унинг максимал ёрқинлик даражаси эса 700 нитга ошган. Дисплейни Gorilla Glass 3 шишаси билан ҳимояланган бўлса, IP53 стандарти қурилмаларни сув ва чангдан ҳимоя қилади. Ўтган йилги Redmi 10 ва 10S моделлари билан таққосласак, янги моделларнинг дисплей техник жиҳатлари яхшиланган. 

Камеранинг техник жиҳатлари ҳам ўсишга эришган. Redmi Note 11S модели худди Pro модель каби 1/1.53 дюйм ҳамда 0.7 µm пиксел катталигидаги 108МП ISOCELL HM2 асосий камера билан жиҳозланган. Таққослаш учун, Redmi 10S модели 1/1.97 дюймли 64МП камерага эга эди. 

Redmi Note 11 моделига эса 50МП асосий камера ўрнатилган. Шунингдек, иккала смартфонга 8МП ультракенг, 2МП макро ва 2МП сатҳ камералар ўрнатилган. 

Икки смартфон турли хил чипларга эга. Note 11S модели Helio G96 чипи билан, Note 11 эса Snapdragon 680 чипи билан жиҳозланган. Helio G96 чипи 12 нанометрлик жараён асосида яратилган бўлиб, у нисбатан янгироқ бўлган Cortex-А76 ядроларига эга. Snapdragon 680 эса 6 нанометрлик жараён асосида яратилган. Демак, ушбу чип унумдорлик билан эмас, балки қувват самарадорлиги билан мақтана олади. 

Қурилмалар Android 11 операцион тизимига асосланган MIUI 13 график қобиғида ишлайди. Redmi Note 11 моделининг 4/64ГБ ҳамда 6/128ГБ хотирага эга турлари бўлса, Note 11S'нинг 6/64ГБ ва 8/128ГБ хотирага эга турлари мавжуд. Pro моделлардан фарқли равишда ушбу смартфонларга иккита SIM-карта ва microSD картасини ўрнатиш мумкин. 

Бармоқ изи сканери иккила смартфоннинг ён томонидан ўрин олган. Бундан ташқари, экранни блокдан чиқариш учун Face ID'дан фойдаланиш мумкин. Note 11S модели 16МП, оддий Note 11 эса 13МП селфи камера билан жиҳозланган. 

Қурилмаларда инфрақизил порт, NFC, 3.5мм аудио жек ва стерео динамик мавжуд. 

Note 11 ва Note 11S моделлари 33 ваттда қувват олувчи 5,000 мАс сиғимли аккумуляторга эга. Тўлиқ қувватланиш учун улар 58 дақиқа вақт сарфлайди. 

Смартфонлар февраль ойидан сотувга чиқади. Уларнинг нархи қуйидагича: 

Redmi Note 11 (4/64ГБ) - 180 доллар

Redmi Note 11 (6/128ГБ) - 230 доллар

Redmi Note 11S (6/64ГБ) - 250 доллар

Redmi Note 11S (8/128ГБ) - 300 доллар 

28-29 январь кунлари AliExpress дўкорнидан Redmi Note 11 моделининг 4/64 ҳамда 4/128ГБ хотирага эга бўлган турини 20 доллар, 6/128ГБ хотирага эга турини эса 30 доллар арзонроққа сотиб олишингиз мумкин. Redmi Note 11S моделининг 6/64ГБ хотирага эга бўлган турига эга 20 долларлик чегирма берилади. 

ЎҚИНГ: Lenovo Legion Y90 смартфонининг тўлиқ техник жиҳатлари маълум бўлди 

Сайтимизнинг энг чиройли расмларини Инстаграмдаги саҳифамизда томоша қилинг!