Redmi Note 11, Note 11 Pro, Note 11 Pro+ смартфонининг техник жиҳатлари ҳамда нархлари маълум бўлди

Redmi Note 11, Note 11 Pro, Note 11 Pro+ смартфонининг техник жиҳатлари ҳамда нархлари маълум бўлди

Redmi Note 11 смартфонлари ҳақидаги маълумотлар аста-секин ошкор бўлмоқда. Ҳозирда сериядаги барча смартфонларнинг техник жиҳатлари маълум бўлди. Шу билан бир қаторда, қурилмаларнинг нархи ҳам ошкор бўлди. 

ЎҚИНГ: Redmi Note 11 смартфонининг рендерлари эълон қилинди 

Маълумотларга кўра, Redmi Note 11 смартфони Full HD+ 6.5 ​​дюймли IPS LCD дисплейига эга бўлиб, 120Hz экран янгиланиш частотасини қўллаб-қувватлайди.

Бундан ташқари, қурилма MediaTek Dimensity 810 чипи, LPDDR4x оператив хотира, UFS 2.2 флеш хотира, 5,000 мАс сиғимли аккумулятор, 33 ватт қувватлаш технологияси, 16МП селфи камера, 50МП асосий камера, инфрақизил порт билан жиҳозланган. 

Redmi Note 11'нинг турли хил хотирага эга турлари бўлиб, уларнинг нархи қуйидагича: 4/128 ГБ - 185 доллар, 6/128 ГБ - 220 доллар, 8/128 ГБ - 250 доллар, 8/256 ГБ - 280 доллар.

Redmi Note 11 Pro эса 120Hz AMOLED дисплейи, Dimensity 920 чипи, LPDDR4x оператив хотира, UFS 3.1 флеш хотира, 67 ватт қувватлаш технологияси, 5,000 мАс сиғимли аккумулятор, NFC, стерео динамик, инфрақизил портга эга.

Камералар ҳақида гапирадиган бўлсак, қурилма 108МП асосий камера, 8МП ультракенг камера, 2МП сатҳ камера билан жиҳозланган. 

Pro моделнинг нархи қуйидагича: 6/128ГБ - 250 доллар, 8/128ГБ - 280 доллар, 8/256ГБ - 310 доллар. 

Сериясидаги энг кучли смартфон бу - Redmi Note 11 Pro+ бўлиб, унинг техник жиҳатлари Note 11 Pro'ники билан ўхшаш бўлади. Бироқ, Pro+ моделига нисбатан кучлироқ бўлган Dimensity 1200 чипи ўрнатилади ҳамда у 120 ватт тезкор қувватланиш имкониятига эга бўлади.

Redmi Note 11 Pro+ смартфонининг икки хил хотирага эга бўлган тури бўлиб, 8/128ГБ - 345 доллар, 8/256ГБ версияси - 390 долларни ташкил қилади. 

ЎҚИНГ: Redmi Note 11 ҳамда Note 11 Pro смартфонларининг техник жиҳатлари маълум бўлди 

Сайтимизнинг энг чиройли расмларини Инстаграмдаги саҳифамизда томоша қилинг!