Redmi Note 12 серияси тақдим қилинди: iPhone'ларда йўқ юқори хусусиятлар, лекин смартфонлар ундан 2-3 баробар арзон

Redmi Note 12 серияси тақдим қилинди: iPhone'ларда йўқ юқори хусусиятлар, лекин смартфонлар ундан 2-3 баробар арзон

Xiaomi ахийри пардаларни кўтарди ва Redmi Note 12 смартфонлари қаторини намойиш қилди. Янги авлод Redmi Note серияси учта стандарт: Note 12, Note 12 Pro, Note 12 Pro+ моделларини, шу билан бирга, Redmi Note 12 Discovery, ҳамда, Racing нашрларини ўз ичига олади.

Сериядаги энг юқори модел Redmi Note 12 Discovery модели бўлиб, у ҳам 200МП камера, ҳам 210 Вт тезликда зарядланишни қўллаб-қувватлайди. Айтиш керакки, 210 Вт зарядланиш тезлиги смартфонлар бозорида янги рекорд ҳисобланади. Xiaomiънинг таъкидлашича, бундай тезлик билан сиз смартфоннинг 4300 мА/с батареясини атиги 9 дақиқада тўлиқ зарядлаб олишингиз мумкин. 200МП камера келсак, у Samsung яқинда Хитойда тақдим қилган HPX сенсоридир ва унга 8МП ултра-кенг билан 2МП макро камералар қўшимчалик қилади. Селфи камера эса 16 МП.

Redmi Note 12 Discovery капоти остида MediaTek'нинг Dimensity 1080 5G чипи ўрнатилган бўлиб, у 8ГБ оператив ва 256 доимий хотира билан MIUI 13'да ишлайди. Унинг экрани 120 герц янгиланиш тезлигига эга 6.67 дюймли FHD+ OLED бўлиб, у максимал 900 нит ёруғликка чиқа олади. Смартфоннинг яна бир эътиборли хусусияти шундаки, унда 3.5 миллиметрли наушник уяси ҳали ҳам сақлаб қолинган.

Redmi Note 12 Pro+ батарея ҳажми (5,000mA/с) ва зарядланиш тезлигини (120 Вт) ҳисобга олмаганда Discovery моделидан деярли фарқ қилмайди.

Redmi Note 12 Racing модели эса Pro Plus'нинг нусхаси бўлиб, у фақат ташқи кўриниши билан ўзига хос ҳисобланади.

Redmi Note 12 Pro эса Pro Plus'дан Sony'нинг 50 мегапикселли IМХ766 сенсори ва 67 Вт тезликда зарядланиши билан фарқ қилади.

Қатордаги энг бошланғич модел, Redmi Note 12'нинг ўзи эса бошқаларидан Qualcomm'нинг Snapdragon 4 Gen 1 чипсети, 48МП асосий камераси ва 33 Вт тезликда зарядланиши билан ажралиб туради.

Нархлар қуйидагича:

Redmi Note 12
4ГБ + 128ГБ – ¥1,199 ($166)
6ГБ + 128ГБ – ¥1,299 ($179)
8ГБ + 128ГБ – ¥1,499 ($207)
8ГБ + 256ГБ – ¥1,699 ($235)

Redmi Note 12 Pro 
6ГБ + 128ГБ – ¥1,699 ($235)
8ГБ + 128ГБ – ¥1,799 ($249)
8ГБ + 256ГБ – ¥1,999 ($276)
12ГБ + 256ГБ – ¥2,199 ($304)

Redmi Note 12 Pro Plus
8ГБ + 256ГБ – ¥2,199 ($304)
12ГБ + 256ГБ – ¥2,399 ($332)

Redmi Note 12 Racing Edition
8ГБ + 256ГБ – ¥2,599 ($359)

Redmi Note 12 Explorer Edition
8ГБ + 256ГБ – ¥2,399 ($332)

Афсуски, Redmi Note 12 ҳозирча фақат Хитой бозорларида сотилмоқда, лекин улар глобал бозорга ҳам чиқарилиши кутилмоқда.

ЎҚИНГ: Vertu дунёдаги илк Web 3 смартфон чиқарди