Redmi Note 12 серияси ҳали тугамади. Қаторга Redmi Note 12R Pro номли янги модел қўшилади!

Redmi Note 12 серияси ҳали тугамади. Қаторга Redmi Note 12R Pro номли янги модел қўшилади!

Xiaomi'нинг Redmi брендни ўзининг Note 12 сериясига яна бир янги моделни қўшилишини эълон қилди. Бу Redmi Note 12R Pro номли смартфон бўлиб, у шу ҳафта охирида тақдим қилинади.

Компания смартфоннинг афиша суратини улашди ва биз унда Redmi Note 12R Pro моделининг орқа томони дизайни билан танишишимиз мумкин: тўғри тўртбурчак камера ороли иккита камера ва LED чироғини ўз ичига олади. Суратни бироз яқинлаштирадиган бўлсак, камераларнинг асосийси 48 MP, иккинчиси эса сунъий интеллект билан ишлайдиган қўшимча камера сенсори эканлигини билиб олишимиз мумкин.

Redmi Note 12R Pro модели Samsung компаниясининг кўзга зарарли кўк нурни паст чиқариши билан кўзни ҳимоя қиладиган SGS сертфикитали 120 герц янгиланиш тезлигига эга OLED дисплей билан жиҳозланган. У 12 GB RAM ва 256 GB хотира конфигурациясида ўтган йили кузда чиқарилган Snapdragon 4 Gen 1 чипсетида ишлайди. Смартон икки SIM-картали бўлиб, уларнинг иккаласида ҳам 5G технологияси қўллаб-қувватланади.

Redmi Note 12R Pro расман 29 апрел куни Хитойда тақдим қилиниши кутилмоқда.

Terabayt.uz сайтининг видеолари: Youtube'даги каналимизда!