Redmi Note 12R Pro расман тақдим қилинди!

Redmi Note 12R Pro расман тақдим қилинди!

Xiaomi ўзининг Redmi Note 12 сериясида шу қадар кўп смартфонлар чиқардики, саноқда адашиб кетасан киши – Redmi Note 12R Pro ушбу оиланинг энг сўнгги аъзоларидан бўлди.

Redmi Note 12R Pro танаси 165.88×76.21×7.8 ўлчамда ва 188 грамм оғирликда бўлиб, у IP53 сертификатига эга. Унинг 6.67 дюймли 120 герц янгиланиш тезлигига эга бўлган Full HD+ резолюциясидаги OLED дисплейи 1200 нит максимал ёрқинлликка эриша олади. Экран юқори марказидаги юмалоқ тирқишда 16 мегапикселли селфи камера жойлашган. Орқа томонда эса смартфон иккита: асосийси 48 MP, қўшимчаси эса 2 MP макро бўлган камера сенсорлари билан жиҳозланган.

Қурилма капоти остида Snapdragon 4 Gen 1 чипсети 12 GB RAM ва 256 GB хотира билан жойлашган. Унинг 5000 мА/соат батареясини 33 Вт тезликда қувватлаш мумкин. Албатта, смартфон Android 13 га асосланган MIUI 14 операцион тизимида ишлайди.

Алоқа ва уланиш борасида смартфонда иккилик SIM-карта 5G, Wi-Fi 5 ва Bluetooth 5.1 қўллаб-қувватланади. Қўшимчасига смартфон ён томонидаги Қувват тугмасига бармоқ изи сканери интеграциялаштирилган ва шу билан бирга, контактсиз тўловлар учун NFC, телевизор, кондиционер каби қурилмалар учун пулт вазифасини бажара оладиган инфрақизил нур узатувчиси ва 3.5 миллиметрли симли наушник уяси ҳам бор.

Redmi Note 12R Pro смартфони фақат 12/256 GB хотира конфигурациясида олтин ранг, оқ ва қора рангларда таклиф қилинади ва унинг нархи 1999 юан (≈289 доллар).

Сайтимизнинг энг чиройли расмларини Инстаграмдаги саҳифамизда томоша қилинг!