Redmi Note 5 Pro Xiaomi'нинг рекордини янгилади

Xiaomi компанияси яқиндагина тақдим қилган Redmi Note 5 Pro смартфон модели кеча илк маротаба Ҳиндистон смартфон бозорида сотувга чиқарилди. Смартфоннинг савдога қўйилган илк партияси, яъни 300 минг донаси 3 дақиқага қолмай сотиб бўлинди. Бу натижа эса Xiaomi тарихидаги тез сотилиш бўйича рекордни янгилади.

Компания вакиллари камтаринлик билан бу жараён Ҳиндистондаги энг йирик смартфон савдоси бўлганини эълон қилишди.

Айрим фойдаланувчилар эса бу натижага шубҳа билан қарашмоқда. Жумладан, улардан бири Xiaomi шу орқали жамоатчилик эътиборини тортишга ва савдони жонлантиришга ҳаракат қилмоқда. Бошқаларнинг фикрича эса, кўпчилик онлайн савдонинг ўнинчи сониясидан кейин электрон дўконга кира олмаган.

Ҳозирча Xiaomi бу каби гап-сўзларга муносабат билдиргани йўқ.

Xiaomi Redmi Note 5 Pro'нинг ўзига хосликлари:

Экран: 5.99 дюймли, FHD+ сиғимли (2160 x 1440 пикселли), IPS матрицали, 2.5D шаклидаги безак ҳамда Gorilla Glass ҳимоя шишаси билан қопланган. Ҳар бир дюймдаги пикселлар сони -- 403 (ppi) та!!!

Процессор: 1.8 Ггц, 64 битли ва 8 ядроли Snapdragon 636; 
Видео карта: Adreno 509;
Тезкор хотира: 4 Гб / 6 Гб;
Доимий хотира: 64 гигабайт ва micro SD орқали 128 гигабайтгача катталаштириш мумкин;
Бош камера: 12 Мп (f/2.2) Sony IMX48 + 5 Мп (f/2.0), LED фоточақноқ;
Селфи камера: 20 мегапикселли (f/2.2) Sony IMX376 сенсори, илғор LED фоточқаноқ;
Операцион тизим: Android 7.1.2 Nougat'нинг MIUI 9 прошивкаси;
Алоқа: WiFi, 3G, LTE w/ VoLTE, Bluetooth 4.2, OTG, GPS, A-GPS, GLONASS, қўш SIM карта (гибрид);
Бошқа жиҳатлари: бармоқ изи сканери, инфра қизил нур;
Корпус ранглари: қора, тилла, пушти тилла, кўк;
Ўлчамлари: 158.6 x 75.45 x 8.05 мм;
Вазни: 181 грамм;
Нархи: 218 АҚШ долларидан (4+64 Гб) бошлаб, 265 АҚШ долларигача (6/64 ГБ).