Redmi Note 7 космосга чиқиб, Ерни суратга олиб қайтди (+видео)!
Xiaomi компанияси Redmi Note 7 смартфонининг мустаҳкамлигини тақдимотдан аввал роса мақтагани эсингиздадир? Бундан ташқари, ушбу модел замонавий дизайни, кучли камераси ва арзонлиги билан ҳам эътиборга лойиқ.
ЎҚИНГ: Redmi Note 7 чиндан ҳам «ёнғоқчақар»ми? JerryRigEverything «жонли» видеотестини томоша қиламиз!
Мустаҳкамлиги боис «Кичкина Кинг-Конг» деб ҳам аталган ушбу смартфонни турли видеоларда йигитлар полга ташлаб тепкилаб, қиз нозик пошнасида эзғилаб, дўмбоқ йигит устига сакраб ўтириб ва яна экрани билан ёнғоқ чақиб, дисплейи устида турли маҳсулотларни ошпичоқда чопиб, ҳатто сув тубида ҳам ишлатиб ҳам кўрсатишган. Шунингдек, Redmi Note 7’нинг ичини очиб, қисмларга ажратиб кўрсатилган, яна мустаҳкамлиги металл зўлдир ва дрель остида, калит тўла қути ичида синалган видеоларини ҳам чиқарганмиз.
Xiaomi ундан кейин ҳам бир нечта моделларда янги смартфонлар тақдим этган бўлса-да, ҳамон ушбу Redmi Note 7’нинг маркетинг кампаниясини давом эттирмоқда. Жумладан, компания бош директори Лэй Цзюнь (Lei Jun) куни кеча Weibo тармоғида эълон қилган маълумотга кўра, уни ҳаво шарига боғланган махсус қурилмада фазога жўнатишган!
ЎҚИНГ: Xiaomi’нинг янги рекорди: Redmi Note 7 битта кўрсаткич бўйича барча iPhone’лардан ошиб кетди!
Мазкур тажриба давомида Redmi Note 7 смартфони Ер юзасидан 30 километр баландга кўтарилган ва цельсий шкаласи бўйича -60 даражалик ҳароратда ҳам иш ҳолатида бўлган. Лэй Цзюнь мазкур смартфон ўша ердан туриб суратга олган тасвирларни ҳам эълон қилган:
Охири совуққа чидай олмасдан ҳаво шари ёрилган, смартфон эса ерга тушганида 3D-принтерда тайёрланган махсус каркас сабабли омон қолган.
ЎҚИНГ: Совуқдан қўрқмайдиган 9 смартфон
Xiaomi ушбу видеоси билан Redmi Note 7 моделининг ўз нарх тоифасидаги рақибларидан анча кучли эканини, экстремал шароитларда ҳам ишлай олишини исботлаган. Шунингдек, мазкур смартфоннинг рекламаларида қўлланаётган «out of this world» – «ғайризаминий» тасвирий ифодасига ҳам ишора қилган.
Redmi Note 7 устида ўтказилган ушбу тажриба видеосини бирга кўрамиз:
Эслатиб ўтамиз, «ғайризаминий» Redmi Note 7 смартфонини Terashop.uz интернет-дўконимиз орқали 1 569 000 сўмдан бошланувчи нархларда сотиб олиш мумкин.
