Redmi Note 7’нинг яна бир рақиби – 150 долларлик Huawei Y6 Prime 2019 намойиш этилди!
Huawei компанияси P30 ҳамда P30 Pro флагманларини махсус тадбирда тақдим этгач, уларнинг Lite-версиясини ҳам сотувга чиқарди. Энди эса хитойлик техногигант ҳақиқатан арзон смартфонлар туркумига мансуб Y6 Prime 2019 моделини намойиш қилди.
ЎҚИНГ: Париждаги тақдимотда кўрсатилмаган Huawei P30 Lite намойиш этилиб, аллақачон сотувга ҳам чиқди!
Huawei Y6 Prime 2019 модели якка кристалли MediaTek Helio A22 процессори базасида ишлайди, унга атиги 2 гигабайтлик тезкор хотира ҳамроҳлик қилади. Смартфоннинг доимий хотираси 32 гигабайтлик бўлиб, яна microSD форматли картача учун ҳам уячаси бор. Орқа панелида бармоқ изи сканери ўрин олган бўлиб, ундан ташқари олд камера ёрдамида эгасининг юзини таниш орқали қурилмани қулфдан чиқариш функцияси ҳам мавжуд.
Смартфон диагоналига 6,09 дюймлик IPS-дисплей билан таъминланган, унинг тасвир аниқлиги 1560х720 пикселлик. Экраннинг юқори қисми ўртасидаги томчисимон «кемтик»ка 8 мегапикселлик селфи-камера жойланган. Бош камера эса 13 мегапикселлик якка модулга ва F/1,8 диафрагмали объективга эга.
ЎҚИНГ: Huawei MediaPad T3 10 планшети тавсифи: иш ва кундалик ҳаёт учун муносиб танлов
Huawei Y6 Prime 2019 корпусининг ўлчамлари 156,28х73,5х8 миллиметрга тенг ва у 150 грамм тош босади. Ток сиғими 3020 мА/соатлик аккумуляторга эга бу смартфон EMUI 9.0 интерфейси остидаги Android 9.0 Pie операцион тизими билан ишлайди.
Хитойлик техногигант ушбу смартфонини ўз юртида 150 АҚШ долларига тенг нархда сотувга чиқаряпти. Яъни, Huawei Y6 Prime 2019 смартфони Xiaomi’нинг бестселлер бўлган Redmi Note 7 (сотиб олиш) модели билан бир хил баҳоланган, аммо техник жиҳатларига кўра ундан пастроқ.
Huawei Y6 Prime 2019 гаджетининг Хитойдан ташқарида ҳам сотилиши ҳақида ҳозирча бирор маълумот йўқ. Лекин Terashop.uz интернет-дўконимизда ушбу компаниянинг айрим смартфонларини 825 000 сўмдан бошланувчи нархларда сотиб олиш имкони бор.
ЎҚИНГ: Huawei Mate X’ни аллақачон Aliexpress’дан сотиб олиш мумкин, фақат нархи қўрққулик!
