Redmi Note 7 Pro’нинг асосий рақиби – Meizu Note 9 тақдимоти расман эълон қилинди
Xiaomi компанияси Хитойнинг ўзида қанчалик машҳур бўлса, Meizu ҳам шу қадар донг таратган ва бу бежиз эмас. Зеро, мазкур иккала ишлаб чиқарувчи ҳам ўзларининг сифатли, аммо ҳамёнбоп маҳсулотлари билан танилган.
ЎҚИНГ: Meizu ёки Xiaomi: қайси бири зўр?
Хулласи калом, «хитойча Apple» ўзининг Redmi Note 7 Pro моделини тайёрлаётгани ҳақида бир қатор маълумотлар берганмиз. Meizu эса унга рақобатчи гаджетини тайёрлаган ва аллақачон унинг намойиш санасини эълон қилди!
Тизерда ёрдам сўраб осмонга ракета отишга тайёрланаётган қиз тасвирланган, тепада эса самолёт унга керакли юкни олиб келаётир. Бу воқеа 6 март куни юз беради, қимматбаҳо юк эса Meizu Note 9 смартфони бўлади.
ЎҚИНГ: Meizu Note 9 ҳам Redmi Note 7’га қарши майдонга тушмоқда!
Мазкур эълонда Meizu Note 9 ҳақида бошқа бирор маълумот берилмаган, аммо аввалроқ «сизиб чиққан» хабарлар орқали улардан озми-кўпми бохабар бўлганмиз.
Уларга кўра, ушбу қурилма диагоналига 6,2 дюймлик, томчисимон «кемтик»ли экранга эга бўлиб, тасвир аниқлиги 2244х1080 пикселни ташкил этади. Унинг «электрон юраги» сифатида Snapdragon 675 процессори танланган, тезкор/доимий хотираси эса тегишлича 6/64 гигабайтлик ҳажмда. Meizu Note 9 қўшалоқ – 48 ва 5 мегапикселлик асосий камера ҳамда 20 мегапикселлик селфи-камера билан жиҳозланган. Унинг аккумулятори ҳам бақувват – нақ 4000 мА/соатлик.
Кўриниб турибдики, Meizu Note 9 ўз хусусиятларига Redmi Note 7 Pro моделидан умуман қолишмайди. Демак, рақобатда асосий масала нархга бориб тақалиши аниқ.
Дарвоқе, бозорига чиқарилган айрим Xiaomi смартфонларини аллақачон 819 000 сўмдан бошланувчи нархларда Terashop.uz интернет-дўконимиздан харид қилиш имкони бор, Redmi Note 7 моделини эса ҳозирча фақат AliExpress’дан буюртма орқали сотиб олиш мумкин. Meizu смартфонларини эса 799 000 сўмдан бошланувчи нархларда Terashop.uz’дан харид қилинг. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Xiaomi дактилоскопли экранга эга Redmi Note 7 Pro’нинг ҳам намойиш кунини эълон қилди!
