Redmi Note 8 глобал талқинда кутилмаган нархда тақдим қилинди!
Redmi Испанияда узоқ кутилган 64 мегапикселлик камерага эга Redmi Note 8 Pro смартфонининнг глобал талқинини тақдим қилди. Европадаги нархлар кутилганидан анча арзон бўлиб чиқди.
Авваллига, смартфоннинг 6 ГБ тезкор ва 64 ГБ доимий хотирага эга талқини 259 евро, 128 ГБ доимий хотирали талқини эса 289 евро бўлиши тахмин қилинганди. Амалда эса кутилганидан арзонроқ бўлиб чиқди: мос равишда 249 ва 269 евро.
Албатта, Хитойдаги нархлар билан солиштирганда бу анча қиммат. Хитойда Redmi Note 8 Pro’нинг 6/64 ГБ хотирали талқини расмий нархи 195 долларни ташкил қилган. Анъанавий равишда бошқа давлатлардаги нархлар Хитойдагидан анча фарқ қилади.
Redmi Note 8 Pro 26 сентябрдан бошлаб Mi.com ва Mi Store расмий дўконларида, шунингдек AliExpressʻда сотила бошлайди. Қолаверса, илк 24 соат ичида махсус акция доирасида нархлар 229 долларгача арзонлаштирилган. Amazonʻда эса 30 сентябрдан бошлаб смартфонни сотиб олиш мумкин.
