Redmi Note 8 қандай яратилишини биласизми?
Xiaomi вице-президенти ва Redmi бренди раҳбари бўлган Лю Вейбинг 64 мегапикселлик янги смартфоннинг цехда йиғилаётган жараёни видеосини улашди.
Катта эҳтимол билан бу Note туркумининг навбатдаги модели – тўртта камера датчикига эга Redmi Note 8 бўлиши мумкин. 15 кун аввал ушбу моделни тўлиқ ишлаб чиқариш жараёни бошлаб юборилганди.
Видеога кўра, қурилма силжийдиган механизмга эга эмас. Шу сабабли селфи-камера олд панелдаги томчисимон кемтикда жойлашса керак.
Айни дамда Redmi Note 8 махсус синовлардан ўтказилмоқда. Бу эса смартфон намойиши тез орада бўлиб ўтишидан дарак беради.
