Redmi Note 8'га қайси процессор ўрнатилиши айтилди
Ўтган ҳафта Xiaomi компанияси Redmi Note 8 Pro моделига MediaTek процессори ўрнатилиши ҳақида хабар берганди. Янги эълон қилинган расмий тизерга кўра линейканинг ўртанча модели Redmi Note 8 бошқа ишлаб чиқарувчига тегишли платформа остида ишлайди.
Тармоққа жойланган янги баннерга кўра, Redmi Note 8 моделининг базавий версияси Snapdragon 655 чипига эга бўлади. Аввалроқ, компания тўғридан-тўғри айтмаган бўлса-да, смартфон MediaTek Helio G90 платформаси асосида ишлаши тахмин қилинганди. Яна бир ўзига хос фарқ - асосий камеранинг 48 МПлик (Note 8 Pro’да 64 МП) сенсорга эгалиги бўлган.
Бундай ечимга келишнинг сабаби сифатида Redmi раҳбари Лю Вейбиннинг айтишича, SD660’дан фарқли равишда SD665 процессори Vulkan 1.1 API’сини қўллаб қувватлайди ва энергия сарфи 20 % га пасайган. SD665 шунингдек, СИ самарадорилигини ошириш ҳамда турли қийин амалларни бажариш имконини берувчи Hexagon 686 рақамли сигнал процессорига эга бўлган.
Redmi Note 8 Pro’нинг хусусиятлари ўзгармаган: қурилма Helio G90T процессорига эга бўлган ва аллақачон машхур AnTuTu бенчмаркида синовдан ўтиб 282 910 балл тўплашга эришган. Ушбу маълумотни машхур инсайдер Мукул Шарма ҳам тасдиқлаган. Таққослаш учун, Snapdragon 730’нинг натижаси 220 000 баллни ташкил қилади.
Янги смартфонлар тақдимоти 29 август санасига режалаштирилган.
ЎҚИНГ: Redmi Note 8 Pro'даги процессорни Kirin 810 ва SD 710 билан солиштириб кўрсатишди
