Redmi Note 9 ва Note 9 Pro тақдимоти яқин: Хитойдан ташқарида ҳам Redmi Note 8 Pro арзонлашяпти

Дунё бўйича энг оммабоп смартфонлар рўйхатидан тушмай келаётган Redmi Note 8 Pro моделининг ўз юртида арзонлашгани ҳақида ёзгандик. Талаб кучли бўлса-да, Xiaomi бошқа мамлакатларда ҳам унинг нархини пасайтира бошлади.

ЎҚИНГ: Redmi энг оммабоп смартфонини янада арзонлаштирди!

Айтиш керакки, Redmi Note 8 ҳамда Note 8 Pro ўтган йили августнинг сўнгида тақдим этилган ва уч ойда 10 миллион донадан ортиқ сотилган. AnTuTu эълон қилган ўрта нархли энг зўр Android-смартфонлар рейтингида буларнинг иккинчиси етакчи бўлган. Мазкур смартфонларнинг арзонлаштирилиши эса, таҳлилчиларга кўра, Redmi Note 9 ва Redmi Note 9 Pro моделларининг намойиши яқинлашганлиги билан боғлиқ.

6/64 гигабайтлик тезкор/ички хотирали Redmi Note 8 Pro смартфони Ҳиндистонда 209 доллардан сотилиб келган бўлса, куни кеча унинг нархи 195 долларга туширилган. Шунингдек, унинг 6/128 гигабайтлик вариантини 223 доллардан, энг катта – 8/128 ГБлигини эса 251 долларга олиш мумкин. Таъкидлаш керакки, бу вақтинчалик акция бўлмасдан, балки янги белгиланган доимий нархлардир.

ЎҚИНГ: «Ўйин бошланди» – AnTuTu’нинг янги қироли Xiaomi Mi 10’ни тор-мор этмоқчи!