Redmi ўта арзон бестселлерини яхшиланган версияда чиқарди (+видео)

  •   DiMaX
  •  1132
  •  15.06.2020 10:57

Redmi ўта арзон бестселлерини яхшиланган версияда чиқарди (+видео)

Xiaomi корпорациясининг арзончи бренди жорий йилнинг февралида ўта арзон Redmi 8A Dual смартфонини намойиш этган эди. Кейинроқ эса Индонезияда уни Redmi 8A Pro номи билан қайта тақдим қилган.

ЎҚИНГ: Redmi K30 нақ юз долларга арзонлашиб, K30 Pro янги вариантда тақдим этилди

Redmi 8A Dual хотира ҳажмига кўра 2/32 ҳамда 3/32 гигабайтлик вариантларда чиққан эди. Энди эса Ҳиндистонда унинг тезкор/ички хотираси 3/64 гигабайтлиги ҳам чиқяпти. Бу хусусда компания вице-президенти ҳамда Xiaomi India раҳбари Ману Кумар Жейн (Manu Kumar Jain) ўзининг Twitter-аккаунтида хабар берган.

Смартфоннинг хотира ҳажмидан бошқа барча хусусиятлари ўзгаришсиз қолган, нархи эса 118 АҚШ долларига тўғри келади. Ҳиндистонликлар уни бугун – 15 июндан Xiaomi расмий сайти ҳамда Amazon онлайн дўкони, шунингдек оддий дўконлардан олишлари мумкин.

Бу орада Redmi глобал бозорга унинг давомчиси – Redmi 9A моделини чиқаришга тайёргарлик кўрмоқда...

ЎҚИНГ: Энг арзон Xiaomi смартфони ҳам тақдимотга тайёр: Redmi 9A хусусиятларини FCC фош этди!

Terabayt.uz сайтининг видеолари: Youtube'даги каналимизда!