Redmi ўта арзон гаджетини яхшилаб, яна ўша нархида чиқарди

  •   DiMaX
  •  1707
  •  15.04.2020 10:58

Redmi ўта арзон гаджетини яхшилаб, яна ўша нархида чиқарди

Xiaomi компаниясининг Mi AirDots русумли буткул симсиз қулоқчини жуда оммабоп. Лекин корпорациянинг арзончи маҳсулотлар ишлаб чиқарувчи суббренди унинг янада арзон версияси – Redmi AirDots моделини чиқарган.

ЎҚИНГ: Xiaomi оммабоп девайсини янада арзон – Lite-версияда чиқаряпти

Redmi кеча – 14 апрель куни уни янгилаб, Redmi AirDots S модели сифатида тақдим этди. Бу иккинчи авлод эмас, балки оригинал қулоқчиннинг яхшиланган версиясидир. Унинг дизайни, ўлчами, автономлик даражаси сингари, нархи ҳам аввалгидек қолган – атиги 14 доллар.

Оригинал моделдан фарқи – Redmi мутахассислари бу гал аксессуарнинг смартфон билан боғланишини яхшилашган. Redmi AirDots ишлатиб кўрганлар билади: смартфонга унинг биринчи – асосий палласи олдин уланиб, кейин иккинчиси ҳам боғланади. Redmi AirDots S моделида эса уларнинг иккалови бирданига уланиб ишлаб кетаверади. Шунингдек, компаниянинг таъкидлашича, янги девайс анча тезкор ва барқарор уланади.

Redmi AirDots S маҳаллий бозорга аллақачон чиқарилган, унинг иккинчи авлоди ҳақида ҳозирча гап-сўз йўқ.

ЎҚИНГ: Razer энг антиқа симсиз қулоқчинни чиқарди – битта смартфон нархида!

Сайтимизнинг энг чиройли расмларини Инстаграмдаги саҳифамизда томоша қилинг!