Redmi Y3 бенчмаркда: Xiaomi зиқналигими ёки Geekbench хатолиги?

«Хитойча Apple» эртага – 24 апрелда ўзининг «суперселфифон» модели – ёшларбоп Redmi Y3 смартфонини тақдим этади. Расмий намойишидан аввал компания унинг мустаҳкамлигини таъкидловчи видеолавҳа тарқатган.

ЎҚИНГ: Redmi Y3 (ёки Redmi S3) мустаҳкам ҳам экан: «суперселфифон»ни челакка ирғитиб, зинадан думалатишди! («жонли» видео)

Geekbench сервисининг маълумотлар базасида ушбу смартфоннинг текшириб кўрилганлиги ҳақида қайд пайдо бўлди. Бенчмарк маълумотларига кўра, Android 9 Pie операцион тизимига эга бўлган Redmi Y3 тезкор хотираси 3 гигабайтга тенг экан.

Лекин энг қизиғи – қурилманинг максимал 1.8 ГГц такт частотасида ишловчи саккиз ядроли msm8953 процессори базасига қурилганлигидир. Гап шундаки, Redmi Y3 нисбатан тезкор Snapdragon 632 чипида ишлайдиган бўлиши кутилаётган эди. msm8953 эса ундан кўра пастроқ хусусиятларга эга бўлган Snapdragon 625 процессорининг кодли номидир.

ЎҚИНГ: Xiaomi смартфонларининг 4000 мА/соатлик аккумуляторлари энди 17 дақиқадаёқ буткул тўлади! (+«жонли» видео)

Хўш, Xiaomi смартфон таннархини пасайтириш мақсадида унга эски чип қўллаяптими, ёки бу ерда Geekbench хато қилганми? Иккинчи тахмин тўғри бўлиши ҳам мумкин, зеро, Redmi Y3 бенчмарк тестида якка ядроли синовда 1236 балл, кўп ядроли имтиҳонда эса 4213 балл олган. Бунақа кўрсаткичлар эса Snapdragon 625 процессори учун бирмунча баландлик қилади.

Эслатиб ўтамиз, Redmi Y3 модели 32 мегапикселлик олд камерага ва қўшалоқ бош камерага эга. 4000 мА/соатлик аккумуляторга эга бўлган ушбу селфифоннинг нархи ва техник жиҳатлари эртангги тақдимотда аниқ бўлади.

Ушбу гаджет кейинроқ жаҳон бозорига Redmi S3 модели сифатида тақдим этилиши кутилмоқда. Айрим русумлардаги Xiaomi телефонларини эса аллақачон 590 000 сўмдан бошланувчи нархларда Terashop.uz интернет-дўконимиздан сотиб олиш имкони бор.

ЎҚИНГ: РАСМИЙ РЎЙХАТ: Android 9’гача янгиланадиган ва янгиланган Xiaomi смартфонлари