Рейтинг: йилнинг энг тезкор камерали смартфонлари эълон қилинди

Ҳозирда смартфонлар жаҳондаги энг тезкор коммуникация воситасига айланди ва ушбу жараёнда уларга ўрнатилган камераларнинг параметрлари ҳам муҳим ўрин тутади.

Куни кеча етакчи Phonearena нашри 2016 йил хулосаларига кўра энг тезкор камерали смартфонлар рўйхати эълон қилди. Рўйхат смартфон камерасини очиш, фокуслаш, расмга олиш ва сақлашга кетадиган вақт натижаларига асосан тузилган. Рўйхатда стандарт ва HDR расм олишга кетадиган вақт бўйича бугунги куннинг энг илғор смартфонлари сараланди.

Стандарт расмга олиш тезлиги бўйича Google Pixel ва Apple iPhone 7 энг юқори натижаларни (1,1 сония ва 1,13 сония) қайд қилишди. HDR тасвирни суратга олиш пойгасида эса Apple iPhone 7, Samsung Galaxy S7 ва S7 Edge флагманларига етадигани топилмади.

Ушбу ҳавола бўйича ўтиб, 2016 ва 2015 йилдаги энг тезкор камерали смартфонлар билан танишиб чиқишингиз мумкин.