Реклама кўрсатгани учун Xiaomi биттагина сиздан қанча пул топаётганини биласизми?
Xiaomi смартфонларидан ишлатаётганлар яхши билишади – ўтган йилнинг кузида бирданига реклама чиқиши кўпайиб кетганди. Корпорация раҳбарларидан бири буни: «Бу – смартфонларимиз арзонлиги эвазига компенсация» қабилида изоҳлаган.
ЎҚИНГ: Samsung, Apple, Xiaomi ва Huawei ҳар бир смартфондан қанча соф даромад кўради?
Куни кеча Xiaomi корпорацияси ўзининг ўтган йилги фаолияти бўйича молиявий ҳисоботини эълон қилди. Маълум бўлишича, «хитойча Apple» интернет-сервисларда, шунингдек, MIUI прошивкаси орқали реклама кўрсатгани учун ҳам яхшигина даромад олаётган экан.
Прошивкада кўрсатилувчи реклама компаниянинг интернет-сервислар бўлимига тегишли бўлиб, Xiaomi’га бултур ушбу бўлимдан тушган умумий даромад 2017 йилдагига нисбатан 61,2 фоизга ўсиб, 2,38 миллиард долларга етган. Мазкур миқдорнинг 30 фоизи бевосита MIUI’даги ҳамда ўйинлардаги рекламага оиддир.
Маълум бўлишича, MIUI фойдаланувчилари сони ойига 242 миллион нафарга тўғри келяпти, бу борада йиллик ўсиш – 41,7 фоизга тенг. Корпорация уларга реклама кўрсатгани эвазига бир ойда топадиган даромади эса ҳар бир мижозга салкам 10 доллардан тўғри келади!
Эслатиб ўтамиз, Xiaomi’нинг энг арзон Redmi Go ҳамда «ёнғоқчақар» Redmi Note 7 смартфонларини, шунингдек, илк тугмачали телефони – Xiaomi Qin 1s моделини ҳам Terashop.uz интернет-дўконимиздан сотиб олиш мумкин.
ЎҚИНГ: Xiaomi смартфонлари энди қимматлайди – буни шахсан компания бош директори айтди!
