«Револьвер» камерали Nokia 9 PureView ҳамда «тешик» экранли илк смартфонининг намойиш кунини HMD Global расман маълум қилди
HMD Global компанияси ўзининг узоқ кутилган флагманини Mobile World Congress 2019 кўргазмасида намойиш этиши тахмин қилинаётган эди. Бугун шунинг расмий исботи билан бирга, олд камераси дисплейдаги «тирқиш»га жойланган биринчи Nokia смартфони тақдимоти ҳам эълон қилинди.
ЎҚИНГ: Nokia 8.1 Plus – компаниянинг илк «тешик» экранли смартфони видео ва суратларда
HMD Global компанияси бугун интернетда тарқалган иккита таклифнома постери билан ўзининг MWC 2019 тадбиридаги иштирокини расман тасдиқлади. Улардан бирида бизга яхши таниш бўлган «револьвер» камера акс эттирилган:
Биламизки, ушбу пента-камера Nokia 9 PureView моделининг асосий ўзига хослиги ҳисобланади. Таклифномадаги ёзувга кўра, уни 24 февралда оммага расман кўрсатишади.
ЎҚИНГ: ВИДЕО: Nokia 9 PureView смартфони илк расмий реклама ролигида!
Иккинчи постер бўлса Nokia брендининг «тешик» дисплейли илк моделига ишора қилаётир:
MWC 2019 доирасида, 25-28 февраль оралиғида тақдим этиладиган ушбу смартфон Nokia 8.1 Plus ёки Nokia 6.2 (2019) модели бўлиши тахмин қилинмоқда. Бу борада ҳозирча аниқ маълумот йўқ, янгилик бўлиши билан хабар қиламиз – биздан узоқлашманг.
