Riot Games компанияси World of Tanks ўйини студиясини сотиб олди

Riot Games компанияси World of Tanks ўйини студиясини сотиб олди

Riot Games ўйин ишлаб чиқарувчиси Wargaming компаниясининг World of Tanks ва World of Warships ўйинлари ортида турган Wargaming Sydney студиясини сотиб олганлигини эълон қилди. Нарх ҳақидаги маълумотлар очиқланмаган.

Асли BigWorld номи билан 2002 йилда Австралияда ташкил топган студия 2012 йилда белорусиялик (ҳозирда Кипрусда жойлашган) Wargaming компанияси томонидан сотиб олинган бўлиб, унинг номи Wargaming Sydney номига ўзгартирилган эди. Студия билан биргаликда World of Tanks, World of Warships ва World of Warplanes каби таниқли ўйинлар ишлаб чиқарилган. Бундан ташқари, BigWorld, ёхуд Wargaming Sydney кўплаб ўйинчилар билан ўйналадиган онлайн ўйинларни ишлаб чиқиш учун зарур бўлган воситалар ва бошқа дастурий таъминот архитектурасини ҳам яратади.

Маълум бўлишича, Wargaming Sydney'ни сотиб олгандан кейин, Riot Games унинг номи Riot Sydney'га ўзгартиради. Шунингдек, компаниянинг таъкидлашича, студия Valorant ва League of Legends каби Riot ўйинларини ривожлантиришга ёрдам беради.

ЎҚИНГ: Кане Вест Parler ижтимоий тармоғини сотиб олмоқда

Хабарларни тез ва осон ўқиш учун Андроид иловамизни сақлаб олинг.