«ROBO CODERS 2019» танловида қатнашиб, ноутбук ва смартфонлар ютиб олинг!
Жорий йилнинг 4 февралидан «ROBO CODERS 2019» танлови бошланган. Танлов робототехника учун дастурлаш соҳасида иқтидорли ёшларни аниқлаш учун ўтказилади. Бу хусусда Мирзо Улуғбек инновацион маркази расмий сайти хабар бермоқда.
ЎҚИНГ: Инновация маркази логотипини ўзгартирди
Хабарга кўра, дастурлаш тажрибасига эга, 15 ёшдан 30 ёшгача бўлган исталган талабгор ушбу танлов иштирокчисига айланиши мумкин.
Танловнинг асосий вазифалари қуйидагилар:
- ахборот технологиялари соҳасида иқтидорли ёшларни аниқлаш ва қўллаб-қувватлаш;
- ёшларнинг ишбилармонлик фаоллигини ривожлантириш.
Танловда «ROBO CODERS 2019» республика танловини ўтказиш тўғрисида НИЗОМда белгиланган тартиб асосида ариза топширган ёшлар иштирок этишлари мумкин.
Иштирокчиларни рўйхатга олиш 2019 йилнинг 4 февралидан 15 февралига қадар muic.uz расмий сайтида амалга оширилади.
ЎҚИНГ: Тошкентда болаларга дастурлаш ва робототехникани ўргатувчи RoboCraft курслари очилмоқда
«ROBO CODERS 2019» танлови дастури учта номинация доирасида 9 та совринли ўринларни ўзида жамлаган:
- Учта биринчи ўрин (HP 250 G6 i3-6006 4/500 ноутбуки);
- Учта иккинчи ўрин (Acer Extensa EX2519 N3160 4/500 ноутбуки);
- Учта учинчи ўрин (Xiaomi Redmi Note 5 64 ГБ смартфони).
Шунингдек, қуйидаги номинацияларга кўп сонли рағбатлантирувчи совринлар тақдим этилади:
- Энг тез кодер;
- Энг содда алгоритм;
- Энг ёш дастурчи.
Танлов Ўзбекистон Республикаси Президенти ҳузуридаги Лойиҳа бошқаруви миллий агентлиги кўмагида ўтказилмоқда.
Танлов ташкилотчилари:
- Ахборот технологияларини ишлаб чиқиш ва жорий қилишни қўллаб-қувватлаш бўйича «Мирзо Улуғбек инновацион маркази дирекцияси» МЧЖ;
- Муҳаммад ал-Хоразмий номидаги Тошкент ахборот технологиялари университети;
- «ROBOTICS LAB FUTURE TECHNOLOGY COMPANY» МЧЖ.
Иштирокчиларни рўйхатга олиш muic.uz ҳаволаси орқали амалга оширилади. Батафсил маълумотни +998 71 238 99 44 телефон рақамига қўнғироқ қилиб олишингиз мумкин.