Ромсиз BLUBOO S1 смартфонини мутлақо бепул олиш мумкин!
Хитойнинг BLUBOO компанияси ўз юртдошларининг Xiaomi Mi Mix моделига рақобатчи сифатида, тағин ўта арзон нархда – атиги 159 долларга BLUBOO S1 смартфонини тақдим этмоқда. Жорий ҳафтада ишлаб чиқарувчи мазкур қурилма учун олдиндан буюртмалар қабул қила бошлайди, деб ёзади Hi-News.ru.
Энг қизиғи – омади чопган 2000 нафар буюртмачи бу смартфонни мутлақо бепул қўлга киритади! BLUBOO S1’нинг бозорга чиқарилиши муносабати билан жорий этилган акция 20 июндан 30 июнгача давом этади. Омадингизни синаб кўриш учун ҳам кўп нарса керак эмас – шу акциянинг махсус саҳифасига ўтиб, амалдаги электрон почтангиз манзилини киритасиз ва натижани кутасиз, холос! Агарда мазкур акцияга 100 000 киши шу тариқа обуна бўлса, кейин улар орасида икки мингта BLUBOO S1 смартфони лотерея сифатида ўйналади.
Бу билан бир вақтнинг ўзида яна бир акция ҳам йўлга қўйилган, унда иккита смартфон ўйналади, дейилади хабарда. Унда иштирокчиларга Facebook’даги BLUBOO расмий ҳамжамиятига лайк қўйиш, ижтимоий тармоқдаги дўстларига улашиш, учта дўстини белгилаш ҳамда BLUBOO S1 нимаси билан қизиқтираётгани ҳақида изоҳ ёзиш керак бўлади. Энг қизиқарли иккита изоҳ муаллифига биттадан янги ромсиз смартфон тақдим этилади.
BLUBOO S1 моделининг ўзига хослиги шундаки, унинг олд панели 90 фоиз юзасини дисплей эгаллайди. Қурилманинг тезкор хотираси ҳажми 4 ГБ, аккумулятори сиғими 3500 мА/соат, камераси эса қўш объективли.
