Роналду мақтаган камерафон олган суратлар ҳайратланарли
30 март куни Криштиану Роналду ўзининг Instagram саҳифасида Nubia Z17 Mini смартфонида суратлар олиб кўргани, қўш-модулли бош камеранинг суратга олиши жуда таассуротли экани, унинг 6 апрелдаги тақдимотини сабрсизлик билан кутаётганини ёзган эди.
12 апрел куни Хитойнинг ZTE компанияси қиммат смартфонлар туркумига кирувчи Nubia Z17 mini гаджетини сотувга чиқарган, смартфоннинг илк партияси, яъни 50 миншдан зиёд смартфон 1 дақиқа орасида сотилиб кетган.
Nubia Z17 Mini смартфонининг бош камерасида олинган илк суратлар компания раҳбарининг Weibo тармоғидаги саҳифасида эълон қилинган. Суратларнинг мобил камера саноатидаги янги жиҳатлари кўпчиликнинг эътирофига сазовор бўлмоқда. Жумладан, ён томон эффектига эга суратларнинг сифати юқори даражада. Уларни сиз ҳам бир кўринг.
Орқа фонни хиралаштириш, икки ён томоннинг сурат марказидаги объектни “ютиб” юбораётгандек кўринишдаги суратлар олган камера иловаси режим ҳамда функцияларга бой.
ZTE Nubia Z17 Mini’нинг бош камераси учун танланган сенсорларнинг ҳар бири 13 мегапикселли ва уларнинг оптик прибори f/2.2 стандартига эга. Бу модуллардан бири оқ-қора суратни муҳрлайдиган линзага, бошқаси RGB (red, green, blue), яъни қизил, яшил ва кўк рангларни яхши муҳрлайдиган Sony’нинг IMX258 линзаси билан таъминланган. Олд камерадаги модул каттароқ, яъни 16 мегапикселли. Унга f/2.0 стандартидаги ёруғликни қамраб олувчи прибор ўрнатилган. Бу сенсорга 80 градус кенгликдаги бурчак остида селфи оладиган линза ўрнатилган.
Nubia Z17 Mini 5.2 дюймли Full HD дисплейи, ўрта даражали Snapdragon 652 ёки 653 процессори, 4 ёки 6 гигабайтли тезкор, 64 ГБ доимий (200 ГБ.гача хотира флешкасини ўқийди), 2,930 мА соат сиғимли қувват тоши билан мақтана олади.
ZTE Nubia Z17 Mini Хитой бозорига талқинидан келиб чиқиб, $250 ҳамда $290 доллардан сотувга чиқарилган.
