Россия FIFA'дан ҳам чиқариб юборилди
Electronic Arts видео-ўйинлар ишлаб чиқарувчи компанияси Россия терма жамоалари ва мамлакатнинг профессионал клубларини ўзининг энг йирик спорт ўйинлари: NHL 22, FIFA 22, FIFA Online ва FIFA Mobile'дан олиб ташлаш жараёнида эканлигини эълон қилди дея хабар бермоқда The Verge нашри.
Жамоалар қачон ўйиндан четлатилиши аниқ эмас, аммо EA уларни олиб ташлаш жараёнлари бошлаганини айтади. Компаниянинг таъкидлашича, қарор FIFA ва UEFA'даги ҳамкорлар, шунингдек, IIHF билан келишилган ҳолда қабул қилинган. Россия жамоаларидан ташқари, NHL 22'да Беларус клублари ҳам олиб ташланади.
"EA Sports Украина халқи билан бирдамликда ва футбол оламидаги бошқалар сингари тинчликка ва Украинага босқинни тўхтатишга чақиради", дейилади компания баёнотида.
