Россия мобиль телефонлари бозорида ўсиш кузатилаяпти

IDC таҳлил компанияси  Россиянинг телефон бозори бўйича 2018 йилнинг  биринчи чорак якунларини эълон қилди. Маълум бўлишича, истеъмолчиларнинг мобиль қурилмаларини харид қилиш кўрсаткичи тобора ортиб бормоқда.

Аниқроғи, биринчи чоракликда Россия мобиль телефонлари бозорида 1,63 миллиард АҚШ долларига тенг қурилмалар сотилган. Таҳлилчиларнинг таъкидлашича, бу йилнинг биринчи чораги учун рекорд кўрсаткичдир. Агар сотилган телефонларни дона ҳисобида баҳолайдиган бўлсак, бу кўрсаткич ҳам биринчи чораклик учун рекорд даражага чиққан, яъни 6,3 млн дона телефон харид қилинган.

ЎҚИНГ: Дуровдан «муқобил интернет»: бузиб ҳам киролмайсиз, таъқиқлай ҳам олмайсиз

Сон жиҳатидан олиб қарайдиган бўлсак, бозорнинг тўртдан бир қисми ҳамон  Samsung компаниясига тегишли бўлиб турибди. Huawei компанияси эса иккинчи ўринда бормоқда, яъни ушбу компаниянинг улуши Samsung компанияси сотган телефонлар миқдорининг ярмига тенг бўлди.  Харидорлар сонини ошириш пойгасида Xiaomi ҳам бўш келаётгани йўқ. Сотилган қурилмалар ҳажми бўйича у Huawei компаниясига қарийб, етай деб қолди.

ЎҚИНГ: Путин сўз берди: «Telegram ёпилмайди!»

Шу билан бирга, Россия бозорида қиммат қурилмаларни харид қилиш тенденцияси сақланиб қолмоқда.  Масалан, Android платформасида ишлайдиган смартфонларнинг ўртача нархи 175 АҚШ долларигача етган. Таҳлилчилар ўз маълумотларида яна шуни ҳам қўшимча қилишганки, россиялик фойдаланувчилар телефон харид қилаётганда эътиборни кўпроқ гаджетларнинг функциональ нуфузига қаратишган, яъни берган пуллари эвазига жиддий техник тавсифга эга бўлган қурилмаларни маъқул кўришади.

ЎҚИНГ: АҚШ контрразведка хизмати Россиядаги футбол мухлисларини огоҳлантирди!