Россияда ёлғон ахборот тарқатган видеоблогерларни жазолаш таклиф этилмоқда
Россияда видеоблогерлар учун махсус лицензия жорий этилиши мумкин. Россия журналистлар Уюшмаси раҳбари Владимир Соловьев «Интерфаксга» интервью бера туриб, шундай таклифни илгари сурди.
В. Соловьевнинг фикрича, бу ёлғон хабарларга қарши курашда ёрдам беради. Унинг билдиришича: «Шунингдек, ушбу таклиф видеокўрсатувларга бериладиган лицензияларга ҳам тегишлидир. Чунки, ҳозирда энг катта муаммо, бу фейк-ньюслар бўлиб қолмоқда».
Мазкур соҳада қандайдир мувофиқлаштирувчи тизим зарур, «Интернетда ўзини тутишнинг асосий тартиб-қоидалари борасида келишиб олиш керак». Бироқ, Хитойдагига ўхшаб жудаям кескинлашиб кетмаслик, яъни ижтимоий тармоқларни бутунлай узиб ташламаслик лозим, дейди таниқли журналист.
