Россиялик экспертлар энг яхши смартфонларни эълон қилишди: кутилмаган натижалар!
«Роскачество» ташкилоти ICRT (International Consumer Research and Testing Ltd) билан бирга жорий йилдаги энг яхши смартфонларни ўрганиб чиқди. Тадқиқот натижалари бунақа чиқишини кўпчилик кутмаган бўлса керак.
ЎҚИНГ: ТОП-6: $600 доллардан қиммат кучли смартфонларнинг биздаги нархлари!
Ушбу текширув ишлари смартфонларнинг 229 та кўрсаткичи бўйича ўтказилди. Улар орасида қурилманинг қулайлиги, функциялари, фото ва видео тасвирга олиш сифати, қўнғироқ, SMS ва мессенжерлар, мусиқа файллари ижроси, навигация ва интернет кабилар мавжуд. Шунингдек, гаджетларнинг аппарат қисмидан ташқари, дастурий таъминот тарафи ҳам тадқиқ этилди.
ТОП-ўнталикдаги энг сифатли қурилмалар Samsung’нинг айни дамдаги флагманлари – Galaxy S9 ҳамда Galaxy S9 Plus моделлари бўлиб чиқди. Қизиғи шундаки, жанубий кореяликларнинг ўтган йилги байроқдор смартфонлари – Galaxy S8 ва S8 Plus бошқа компанияларнинг бу йилги флагманларидан ҳам ўзиб кетиб, рейтингда тегишлича 3 ва 4-ўринларни банд этди.
ЎҚИНГ: Galaxy S9/S9+ : суперфлагманларнинг сири!
Apple’нинг энг сифатли смартфони iPhone 8 Plus бўлиб чиқди ва унга Samsung’нинг бултурги флагманларидан кейинги – бешинчи ўрин насиб этди. Олтинчи ўрин хитойликларга тегди – Huawei P20 Pro модели. Ундан кейин яна жанубий кореяликларнинг девайси – Galaxy Note 8 фаблети турибди. Купертиноликларнинг iPhone 8 ҳамда iPhone X моделлари эса 8-9-ўринларга лойиқ кўрилган. Кучли ўнталикни Huawei Mate 10 Pro якунлаб берган.
Якуний ҳисобда Samsung бешта модели билан ушбу рейтингнинг нақ ярмини банд этди, тағин шундан тўрттаси – энг юқори ўринлар. Apple учта моделдаги айфонлари билан ундан кейинги ўринни эгаллаган бўлса, Huawei’нинг иккита русумдаги смартфони энг яхшилари рўйхатига кирган. ТОП-ўнталикка бошқа смартфонсозларнинг маҳсулотлари кира олмаган.
Мазкур тадқиқотнинг батафсил маълумотлари, турли смартфонларнинг қайси кўрсаткичлар бўйича қандай натижалар намоён этгани кабилар билан «Роскачество» сайтида танишиш мумкин.
