Samsung 2 июлдаёқ янги Galaxy On тақдим этмоқчи – у қандай смартфон?
«Яшил роботчали» смартфонлар бозорида энг оммабопи, албатта, Samsung Galaxy моделларидир. Жанубий кореялик гигант ҳам юксак технологияларга эга флагманлар, ҳам ҳамёнбоп мобил телефонлар бозорларидан имкон қадар кўпроқ улуш олишни кўзламоқда.
ЎҚИНГ: Samsung расман Galaxy Note 9 тақдимотига таклиф этмоқда (+видео)
Жумладан, ушбу компания Galaxy On туркумига мансуб янги қурилмасини тайёрлаётгани ҳақида ҳам турли маълумотлар тарқалган эди. Gsmarena сайтининг ёзишича, ушбу смартфон жорий йилнинг иккинчи июлидаёқ расман намойиш этилади.
Афсуски, янги Galaxy On гаджетининг техник хусусиятлари ҳақида расмий маълумот йўқ. Аммо Samsung’нинг мазкур туркумдаги смартфон савдоси бўйича ҳамкори – Flipkart бу маҳсулотни фақат Ҳиндистон бозорига чиқариши айтилмоқда.
Ушбу маркетинг компанияси тарқатган реклама суратларидан англашиладики, янги Galaxy On моделида «Always on Display» функцияси мавжуд. Бу эса, мазкур гаджетда Super AMOLED-экран қўлланишидан далолат беради.
ЎҚИНГ: Samsung’нинг янги ҳамёнбоп смартфони «қўлга тушди»: AMOLED-экранли ва NFC модулли!
Samsung янги смартфонини таниқли ҳинд актёри ва жанг санъати устаси Тайгер Шрофф (Tiger Shroff) иштирокидаги промо-видео орқали реклама қилмоқчи. Шу лавҳадан олинган қуйидаги кадрдан англашиладики, Galaxy On якка сенсорли бош камерага эга. Бевосита бош камера остида эса бармоқ изи сканери жойлашган.
Агарда интернетда тарқалган маълумотлар ўз тасдиғини топса, жанубий кореяликнинг навбатдаги смартфони Infinity Display экранига, Exynos чипсетига ва тўрт гигабайтлик тезкор хотирага эга бўлади.
Galaxy On туркуми одатда аллақачон Samsung томонидан расман намойиш этилган моделлар ребрендингидан иборат бўлади. Шундан келиб чиқадиган бўлсак, Ҳиндистонда тақдим қилинадиган навбатдаги Galaxy On модели биз билган Galaxy J6 смартфонининг «ҳиндча» талқини бўлиши мумкин.
Samsung’нинг аввалроқ бозорга чиқарилган аксарият мобил қурилмалари эса юртимиз бозорларида, жумладан, ўзимизнинг Terashop.uz онлайн дўконимизда ҳам расмий кафолат билан сотилмоқда.
