Samsung 2019 йилда нечта 5G смартфон сотгани маълум бўлди

Samsung 2019 йилда нечта 5G смартфон сотгани маълум бўлди

2019 йилда Жанубий Кореянинг Samsung компанияси 5G смартфонлар бозорида етакчилик қилди.

Counterpoint тадқиқот компанияси берган маълумотларга кўра, ортда қолган йилда 6.7 миллион дона 5G смартфон сотган компания жорий бозорнинг бутун дунё бўйлаб 54% улушига эгалик қилди. Бу ҳақида GSMArena.com сайти хабар бермоқда.

Техногигантнинг илк 5G смартфони — Galaxy S10 5G 2019 йил бошида тақдим қилинганди. Шундан сўнг Galaxy Note10 5G ва Note10+ 5G'лар кузда сотувга чиқди. Компания томонидан чиқарилган йилнинг энг сўнгги 5G смартфонлари эса Galaxy A90 5G ва Galaxy Fold 5G бўлди.Samsung, шунингдек, дунёдаги илк 5G'ли планшет — Galaxy Tab S6 5G'ни 2020 йил биринчи чорагида чиқариши режаланган.

ЎҚИНГ: Speedtest синови: Samsung, Apple ва Huawei – қай бирида интернет энг тезкор?

Хабарларни тез ва осон ўқиш учун Андроид иловамизни сақлаб олинг.