Samsung экспертлари Apple қачон букланадиган қурилмалар чиқаришни бошлашини айтишди
Жанубий Кореядан The Elec нашрининг хабар беришича, Samsung Mobile Experience бўлими ўтган октабр ойининг учинчи ҳафтасида таъминотчилар билан йиғилиш ўтказган ва унда компания ўзининг букланадиган смартфонларини стратегиясини муҳокама қилган.
Маълум бўлишича, Samsung ўзининг букламафонлари бозори 2025 йилгача йилига 80% дан ошишига ишонади. Компанияга кўра, ҳозирда Жанубий Корея бозорида 20-30 ёшли iPhone фойдаланувчилари ўз қурилмаларини аввалгидан 3-4 баравар кўпроқ Samsung букламафонларига ўзгартиришмоқда. Қўшимча қилинишича, 90% гача бўлган букланадиган смартфон эгалари букламафонларини ўзларининг иккинчи қурилмалари сифатида сотиб олишади.
Шунингдек, Жанубий Кореянинг техно-гигант компанияси экспертларига кўра, Apple 2024 йилда букланадиган қурилмалар бозорига қўшилади, лекин бунда купертинолик компания биринчи бўлиб букланадиган iPhone эмас, балки планшетлар чиқариши мумкин.
ЎҚИНГ: Samsung'нинг янги реклама видеоси яна Apple'га қаратилган
